《純愛》平安夜的天使 (完): 第四十八章

第四十八章

「唉⋯Holiday~ I miss you so much~」

「醒醒啦你！返緊工㗎！」

快樂嘅時間真係過得快，又到返我哋平時日忙夜忙嘅日子喇⋯ 話咁快就過咗半年了⋯ 由上年嘅平安夜嘅奇遇，到佢同我一齊渡過嘅一點一滴，我都會好好珍惜同收藏，呢個係我作為朋友可以做到嘅、亦都係唯一可以做嘅事⋯

「叫陰天別鬧了 想念你都那麼久那麼久了～」鈴聲響起，睇黎係我今日無記得咗熄⋯ 呢段歌詞係Kelsey幫我揀嘅，佢話叫我「永遠都要記得佢，無論晴天、陰天、雨天⋯」



我：「喂？」

Mel:「阿哥！大件事啦！曉桐姐⋯曉桐姐佢⋯」

我：「吓！」佢竟然會碌咗落樓梯暈咗，以佢嘅性格，有都唔意外嘅⋯但喺學校出意外⋯ 我聽阿Mel講佢喺學校做好小心㗎⋯

Mel：「唔好講住先啦！你快啲過黎接佢啦！」

我：「點⋯點解要係我呢？佢無咩親戚、朋友呀可以接佢走㗎咩？」我真心唔太想入返去大學，怕啲阿sir同諗起同Kelsey喺大學嘅回憶⋯



Mel:「阿sir話佢寫緊急聯絡人到寫咗你個電話number,而個阿sir又認得出係你嘅number，同埋佢又知我係你堂妹，所以就⋯」知道我咁多嘢嘅人就都係得嗰一個人，估唔到我會要返轉頭搵佢⋯

我：「得啦得啦！我知啦！我而加黎呀！」講完便cut咗線，擰轉頭阿倫講。
「阿倫，我返一轉HKU，今日應該返唔到黎，幫我同Priscilla講聲⋯」

倫：「嗯？做咩咁突然呀？以前叫你返，你打死都唔返㗎！」

我：「曉桐出咗事⋯唔講啦，我出去先啦⋯」

倫：「交俾我哋啦～同我好好睇住Lavina呀～」我其實我一直都覺得我欠阿倫太多嘅實在太多，Kelsey嗰次已經要佢哋兩個一腳踢，搞到無時間休息；今次卻到Lavina⋯ 我何永遊有你李斯倫為我兄弟，我一生無憾！



我：「嗯！」講完便迅速咁跑到路邊折咗架的士
「香港大學呀！唔該！」

「do~」秒錶聲響起，就如我心跳般，一下一下咁跳⋯ 我好驚佢會好似Kelsey咁離我而去⋯ 我喺度諗緊乜呀！佢碌樓梯咋喎！佢唔會有事嘅⋯
「曉桐，妳唔好有事呀⋯⋯Kelsey...保佑曉桐呀⋯」





「咦？黎咗嗱？何永遊？」





「豬朋狗友可以多不勝數，但知己好友卻只得寥寥可數」