第四十九章

「好耐無見啦,遊仔⋯」

「阿sir你好!」

知道我咁多嘢就只有一個老師,佢就係當年教我心理嘅鄧sir,當年喺Kelsey過咗身之後嗰段時間,我生活節奏完全失衡,不斷借工作去解壓,但卻完全無用⋯阿倫就搵咗佢同我做一啲心理輔導同評估,佢係幫我慢慢走出陰影嘅其中一個好重要嘅人,既係我恩師,亦係我嘅「老」朋友⋯

鄧sir:「唔洗咁有禮貌喎~搞到我都唔認得你呀~」之後我哋就一邊行一邊講返啲大學往事,當年心理學就係佢教嘅,有功課有唔明問想搵人幫手,但咁多個入面就得我一個有修心理⋯ 無法子之下就只好搵阿sir幫拖,搵下搵下就熟落咗啦⋯ 畢業之後堂妹又想入HKU,所以我就叫阿sir幫我寫份推薦信,而佢又肯喎⋯呢啲阿sir真係「可遇不可求」呀!



我:「知道就好啦⋯曉桐佢點呀?」

鄧sir:「佢就無咩事嘅⋯ 但聽聞係人為嘅⋯呢~你睇下嗰邊~」我哋行到校長室附近嗰樓梯邊,見到對老年夫婦講緊嘢⋯

「你成績本身中等,一切如常㗎⋯ 點解會無啦啦搞得咁嘅大頭佛出黎嘅?」個女嘅係咁同個男嘅講,睇黎佢應該係今次呢單嘢嘅「罪魁禍首」嗱⋯

我:「嗰個男仔係⋯」

鄧sir:「嗯?遊仔都識佢呀⋯」



我:「嗯⋯算係啦⋯」嗰個咪係上次喺荃灣遇到嗰個兵?但係兵會想害公主㗎咩?

鄧sir:「有時啲佔有慾強嘅人想得到並佔有某個人或某樣嘢嘅時候,但卻知道已成大局,所以咪想喺人哋得到之前⋯將佢消失殆盡⋯咁咪邊個都得唔到囉⋯」

我:「阿sir⋯現加唔係做緊心理輔導喎⋯」

鄧sir:「係你塊面寫哂出黎啫⋯遊仔⋯你好鐘意『對人好』,但卻『對自己殘忍』,好心你就對自己好啲啦⋯」

我:「咩意思呀?阿sir?」



鄧sir:「啫係話⋯」佢一邊講一邊帶我喺隔離嘅醫療室
「你都係時候俾自己幸福喇⋯ 我都唔想見到我嘅學生成個苦瓜面咁㗎~」

我:「唔好玩啦⋯你知我放唔低⋯」

鄧sir:「Angel同敏晴吖嘛⋯當年同你做親輔導都提佢哋嘅,識背添喇~」

我:「你知仲好講!唉⋯」

鄧sir:「遊仔⋯ 每個人都有失去自愛嘅時候,但你要識得企起身,好好咁去愛每一個愛你嘅人呀⋯」

我:「知啦⋯我會㗎啦⋯」

鄧sir:「同埋明明就『近在眼前』⋯」



我:「咩意思?」

鄧sir:「唉⋯入面個女仔...係咪你女朋友呀?」

我:「吓!唔⋯唔係⋯」點解我會猶豫嘅?咁我真係唔係佢條仔吖嘛?我做咩啫?

鄧sir:「咁點解佢緊急聯絡人會寫你嘅?」

我:「我⋯我點知呀?」

鄧sir:「唉⋯當年你俾我捉到你同敏詩一齊嘅時候都係咁答㗎⋯」

=================================

鄧sir:「遊仔⋯你同隔離art嗰邊個女仔拍緊拖呀?」



我:「邊⋯邊個先?」當時我認為佢又會好似啲傳統老師咁強拆情侶,所以⋯

鄧sir:「梁敏晴呀⋯」

我:「唔⋯唔係呀⋯」

鄧sir:「咁你哋平時做乜行得咁埋呀?」

我:「嗯⋯我⋯我點知佢呀⋯」

鄧sir:「放心啦⋯呢到大學黎㗎⋯拍拖呢啲好正常啫~但記得做好安全措施呀~」

我:「痴線啦!阿sir!」



=================================

「都估唔到咁快就過咗四年⋯」



「每個人嘅經歷各有不同,唔好攞人嘅生理年齡去判斷人嘅心理年齡,咁係對人嘅唔尊重」