《純愛》平安夜的天使 (完): 第五十章

第五十章

「咁我返去做嘢先喇，你仲記得臨走前要去⋯」

「去校務處簽埋名先走吖嘛⋯知喇～」

「咁我走先啦，下次喺cafe見啦～」

「嗯！88」



鄧sir走咗之後，我就行入去醫療室睇睇Lavina，希望佢無咩事啦⋯

Lavina:「zzz...阿遊⋯」佢個頭包咗一層沙布，一個大字型咁瞓喺度⋯ 唔講真係以為係個男人喺到瞓緊覺⋯

我：「有⋯有無搞錯⋯我仲咁擔心妳做乜⋯」睇到佢瞓得咁舒服，我心中嘅大石都終於可以放低喇⋯
「妳呀⋯衰婆！搞到我又要一枝箭咁飛的過黎，緊張死呀！平時又咁大頭蝦，今次妳又⋯」見到佢嗰個純真嘅熟睡相，令我講唔到大話⋯
「唔好再令我擔心喇⋯我唔可以照顧你一生一世㗎⋯ 我係好鐘意妳，因為妳俾我見到當年嘅Kelsey同Angel, 但我真心唔知自己鐘意嘅係妳定係喺妳身上見到嘅佢哋⋯我唔想妳成為佢哋嘅代替品呀⋯ 點解妳仲要係咁要我主動黎搵妳呀⋯ 我唔敢再去愛一個人呀！我好驚妳會好似佢哋咁離我而去⋯我好驚失去妳呀！我好辛苦⋯」

••••••••••••••••••••••••••••••••••••••••••••••••



我其實一早醒咗，但我聽到阿遊同鄧sir喺出面講緊嘢，我就馬上扮瞓，我唔敢俾佢見到我過去嘅一面⋯
「阿遊，我係Angel呀！你唔係再為我傷心啦⋯我喺度呀⋯」我實在講唔出呢句話⋯如果我講出黎嘅話，咁我呢16年黎嘅等待只會成為對佢嘅第二次傷害⋯我做唔到⋯所以就由佢自己解開個心結啦⋯ 但估唔到⋯ 我現加所做嘅嘢對佢亦都係一種傷害⋯對唔住⋯

「乞嗤！」喺我忍唔住就喊出黎嘅時候，一聲巨響嚇到我當堂彈咗起身⋯

遊：「起身嗱～」

我：「你咁大聲咁打乞嗤，唔醒就假啦！」好在無俾佢發現到啫⋯

遊：「妳見點呀？邊到傷咗呀？」



我：「Well, as you can see⋯」我指一指個頭話

遊：「妳本身就無腦㗎啦！驚咩啫～」

我：「啊你真係⋯呀！」腰好痛⋯可能碌落樓梯撞到⋯

遊：「傷者就唔好亂郁喇⋯妳現加就好好休息啦！我今日同Priscilla嗰邊講咗話妳出咗事，之後幾日都返唔到；同埋等間我會幫妳同嗰個人講返清楚⋯」

我：「唔洗啦！😅好小事⋯」佢呢刻嘅聲線雖然比平時大聲少少，但話氣都係平和嘅⋯ 但佢雙手握實，雙眼充滿殺氣，我無講錯，係殺氣！我咁耐以黎第一次見到咁嘅阿遊，好恐怖⋯ 完全變成咗一個人咁⋯

遊：「妳放心，我好快返黎！」

我：「但係⋯」我用盡力嘗試去估佢現加諗緊咩嘢，但結果都係徒勞無工⋯



遊：「係咁啦！」講完便出咗門外面⋯
••••••••••••••••••••••••••••••••••••••••••••••••



「嬉皮笑臉嘅人一被觸及到底線，後果將會一發不可收拾」