第六十一章

「喜歡妳~那雙眼動人~」

果然不出我所料,阿倫飲咗大約半枝香檳就開始醉。而我就仲清醒,飲完反而仲精神咗⋯

Priscilla:「唉⋯睇黎今晚唔洗走⋯」佢講完就俾阿倫拉咗去唱歌⋯

倫:「黎老婆~喜歡妳~」個畫面真係笑到我肚痛到瞓底



到咗大約一、兩點,兩公婆已經完全被擊倒,而我都終於可以唱歌啦⋯

Lavina:「忍咗好耐呀?」而曉桐就陪我一齊睇呢套「動作喜劇」,足足兩個鐘無ng剪接

我:「當然啦姐姐~不過都笑到肚痛,無哂啱啱啲feel lu~」

Lavina:「咁呀⋯」佢喺個7仔膠袋到攞出咗幾罐啤酒

我:「喂妳哋又買!?」



Lavina:「係我買俾你㗎!今日主人公話我唔飲得酒我就真係唔飲㗎喇!同埋你之前照顧咗我咁耐⋯」當然包括埋妳醉酒鬧事嗰part啦
「所以⋯咪諗住幫你有返個feel去唱歌囉⋯」

聽到呢到,我都唔想講太多嘢喇⋯

我:「攞黎啦!」我攞住一打啤酒,開始飲喇

1罐
「喂⋯」



4罐
「你得唔得呀?」

7罐
「好⋯唱得!」我一嘢灌咗7罐啤酒,開始有啲醉醉哋⋯

「或許只有妳 懂得我⋯ 所以妳沒逃脫~」呢段歌詞,好似曾經聽過⋯

Lavina:「Yoga嘅歌?都好耐無聽啦⋯」聽到嗰咁熟悉嘅音樂,我就上前攞起mic,唱出我一直以黎對曉桐、Kelsey嘅心聲。因為,呢樣係我目前我可以做得最理性嘅一件事

我:「一邊在淚流 一邊緊抱我 小聲地說 多麼愛我 只有妳 懂得我 就像被困住的野獸 在摩天大樓 渴求 自由⋯」
「在摩天大樓⋯ 渴求自⋯」我唱唔出,我諗返哂個晚嘅傷痛⋯失去Kelsey嗰晚⋯

喺我瞇埋眼嘗試忍住眼淚嘅時候,突然轉咗另一首歌⋯



Lavina:「她說無所謂~只要能在夜裡翻來覆去的時候有寄託⋯」

我:「JJ嘅歌?」

Lavina:「你唱你嘅心聲,咁我唱嘅咁得唔得呀?」講完佢就繼續唱佢嘅「心聲」
「等不到天黑 煙火不會太完美 回憶燒成灰 還是等不到結尾 她曾說的無所謂 我怕一天一天被摧毀」佢嘅歌聲苦中帶甜,有完美帶出喺MV中嗰個女仔對佢所愛嘅人嗰種不求回報嘅付出,與其話佢係唱歌,倒不如話佢係講緊故事⋯
「等不到天黑 不敢凋謝的花蕾 綠葉在跟隨 放開刺痛的滋味 今後不再怕天明 我想只是害怕清醒⋯」對唔住,曉桐⋯我一直都無俾答覆妳⋯我仲未過到自己嗰關⋯Kelsey,Angel... 妳嘅「心聲」,我收到喇⋯而我都係時候要鼓起勇氣去同妳講⋯
「好~到你唱喇~」

我:「哦⋯咁黎首周杰倫嘅先~」

Lavina:「你得唔得㗎?😏」

我:「妳放心,難聽都係得妳聽到~」我揀咗一首完全反映我當年遺憾嘅歌:《蒲公英的約定》



Lavina:「呢首歌係?」

我:「呢首係我送俾妳嘅,當年可能係我無留意到妳,我黎懺悔㗎⋯」

Lavina:「傻仔😝」

鋼琴聲響起,MV裏面周杰倫彈嘅每一個音,每一個音符都係代表住我嘅懊悔嘅心情
「一起長大的約定 那樣清晰 打過勾的我相信
說好要一起旅行 是妳如今 唯一堅持的任性~」

唱完之後,佢埋黎企喺我面前同我講:「我對你嘅係愛情,由始至終都係⋯」佢嘅眼神帶有堅定,同時亦都夾雜咗一點嘅哀傷⋯

「我當年嘅感覺同你現加嘅一樣,所以⋯我唔會再離開你😊」佢嘅笑容為我喺黑暗中帶來光明,係我生命中嘅一盞明燈。聽到佢咁講嘅時候,我曾經被黑暗籠罩住嘅內心再次被照亮⋯佢嘅笑容,就同當年Angel嘅笑容一樣⋯不變如初⋯

我:「妳真係⋯好多謝妳⋯周曉桐⋯」



「我哋一生中會錯過好多愛你嘅人,因為嗰刻,佢並唔係你嘅愛人。如果你到最後望返去轉頭嘅時候,我希望你⋯唔好放手。」