《純愛》平安夜的天使 (完): 第六十二章

第六十二章

「好～到我喇～」

「睇個樣，又係唱JJ嘅歌㗎喇😏」

坐低咗一陣之後，佢話想繼續唱多一陣⋯

Lavina:「唔係喎～我唱暴龍哥嘅歌～」



我：「死啦啲青春痘～死啦啲青春痘～」每次一講起暴龍哥，我就諗起佢個「爆炸頭」，諗一次笑一次

Lavina:「哈哈～唔係呢首呀～係《晴天 陰天 雨天》呀～」

我：「好似聽過⋯ 聽下前半part先囉～」

Lavina：「好呀，但你要一齊唱㗎喎～」講完之後，前奏就響起
「那次我於餐廳的一角 偷看你 這麼遠親你 我視作無比的福氣～」
=================================



倫：「喂！阿遊，條女你識㗎？佢日日準時12點幾坐喺同一個位幾個鐘，你又有時會同佢傾下計，係咪想溝人呀？」

我：「溝你個頭呀！但上次還完張卡俾佢之後佢就日日黎。可能係你沖俾佢啲咖啡好飲呢～」

=================================

「晴天 陰天 雨天 我在何地 亦都會等你 如果不給你嫌棄 才是我運氣～」不知不覺間，我都跟住裏面嘅歌詞，慢慢嘗試去融入其中⋯

我：「話事話，妳當時日日黎係咪真係for偷睇我㗎咋？😏」



Lavina:「唔～知～呢～」睇黎我無估錯

我：「咦？最後一首歌喇喎⋯」睇黎一坐都坐咗好耐下⋯
「咁最後不如黎首合唱呀～又故唔到妳又真係頂到咁耐㗎喎～」

Lavina:「洗乜講～我夜貓黎㗎嘛～haha😁」

我：「咁就⋯」前奏響起，係我哋嘅合唱歌：
「我不介意你慢動作～也不介意這次先擦肩而過」

Lavina:「啊～」佢亦都開始懷疑跟住旋律，對住電視機嘅歌詞開始唱：
「吃一人份的飯 刷一人份的碗 真的我並沒有覺得孤單 逛一人份的街 買一人份的單 真的我並沒有覺得孤單～」

=================================
我：「做咩呀？妳唔舒服咩⋯⋯」



Lavina：「唔⋯唔係⋯不過⋯」
「我飽了⋯」睇個樣應該係第一個胃飽啫⋯

我：「咁洗唔洗叫人幫妳打包？」

Lavina：「我唔太鐘意食隔夜飯，同埋之前出過事，唔敢再食⋯」

我：「咁⋯坐多陣囉⋯⋯」

=================================
我/Lavina:「我相信你正在與我相遇的路上馬不停蹄 所以當我擁抱整個世界的孤寂 也像擁抱著你」

================================
我：「起身嗱～」



Lavina：「你咁大聲咁打乞嗤，唔醒就假啦！」好在無俾佢發現到啫⋯

我：「妳見點呀？邊到傷咗呀？」

Lavina：「Well, as you can see⋯」

我：「妳本身就無腦㗎啦！驚咩啫～」

Lavina：「啊你真係⋯呀！」
=================================

「某天我們總會遇到對方然後說 好巧噢」曉桐⋯我諗喺呢一刻⋯我講咩都無用，但我會用一生嘅時間，去記住呢一刻嘅妳，係有幾咁動人⋯ 我嘗試去當妳係我嘅朋友、知己，一直保持我哋嘅距離，因為我怕妳會成為Kelsey同Angel嘅代替品。但係最終，我都係情不自禁咁愛上咗妳。妳一直以黎陪咗我咁耐，同我經歷咗咁多嘢，我都唔敢相信妳就係我一直以黎要搵嘅人⋯每當我都好想講出答案，最後卻卡住咗喺嘴邊，因為⋯我好驚妳唔係佢⋯妳唔係Angel...但咁樣反而喺無形中傷害咗妳，傷害咗我哋之間嘅感情⋯




「我不介意你慢動作，也不介意這次先擦肩而過，因為我知道，你總會等到姍姍來遲的我。」