《純愛》平安夜的天使 (完): 第六十六章(曉桐章七)

第六十六章(曉桐章七）

「唔該，請問係咪有個姓何嘅傷者送咗入黎呀？」

落咗的士之後，我馬上跑到去詢問處問護士

護士：「唔好意思呀小姐，我唔可以隨便透露任何關於病人嘅私人資料㗎。請問妳係咪病人家屬？親人？」

我：「哦，我唔係呀⋯」我呢一刻都唔知點答佢？親人，未夠親；朋友，亦唔算係⋯所以我只可以問⋯
「咁我想問手術室喺邊呀？」而加係下晝兩點幾，應該仲做緊手術⋯



護士：「直行入𨋢上五樓轉右⋯·」

我：「唔該哂！」講完便直奔入𨋢，我一邊睇住樓層上升嘅數字，一邊諗緊佢出咗黎之後應該點好⋯

喺𨋢口開嘅嗰瞬間，我見到喺擔架床上昏睡緊嘅阿遊俾推醫護人員推入病房，而手術室門外有一男一女同緊醫生傾緊啲嘢，應該係阿遊嘅朋友⋯ 我馬上匿埋喺轉角位到偷聽⋯

男：「啊醫生，佢哋現加點呀？」

醫生：「男嘅已經度過咗危險期，而女嘅⋯要睇下佢捱唔捱到今晚⋯」



女：「咁阿遊佢幾時會起身？」呢樣我都想知，我好想見佢⋯阿遊⋯

醫生：「我哋唔太肯定，短嘅可能幾個鐘，長嘅可能幾日⋯」

男/女：「唔該醫生⋯」

聽到呢到我都鬆一口氣，阿遊無事⋯但啱啱所提到嗰個女仔⋯唔通係阿遊嘅未婚妻？

男：「咁我返cafe先喇，妳留喺到等阿遊同Kelsey呀⋯」講完就向我邊行，臨入lift前跌咗張卡片，寫住「Dream Memory」，我攞起咗佢⋯



我：「先生⋯」話口未完，𨋢門已經閂咗⋯ 而我只好放棄，收起張卡片⋯ 我跟住個女嘅去到阿遊嘅病房，隔住玻璃，見到佢滿身傷痕，完全昏睡嘅樣，係令到我係幾咁心痛⋯ 我企多大約半個鐘之後就走，雖然以免俾嗰個女仔發現，同埋我都唔想阻住啲醫護人員，不過⋯ 阿遊無事我就放心喇⋯希望佢嘅未婚妻都可以大步檻過啦⋯ 咁就可以代替我照顧阿遊，同佢渡過春夏秋冬⋯




「願意為你犧牲嘅人，你應該好好珍惜，並做出同樣嘅覺悟，向佢表達你無條件嘅愛」