《純愛》平安夜的天使 (完): 第九十五章

第九十五章

「嗯⋯」

曉桐走咗之後，阿Mel坐咗喺隔離，塊面黑到無得再黑，好似帶咗面具咁⋯可能係我呃咗佢同曉桐嘅關係啦⋯但係⋯

我：「阿妹呀⋯妳點發現到我醒咗㗎？😅」

Mel：「我睇到你個嘴有微微咁向上傾，正常病人會咁㗎咩！？🤨」



我：「呵呵⋯😅Sorry⋯」

Mel：「枉我⋯枉我仲一晨早黎代曉桐姐間！」

我：「對唔住呀！」

過咗一陣騷動之後⋯

「話時話，我瞓咗幾耐⋯」我先開口打破沉默，我都係啱啱先起返身，真係乜都唔知⋯



Mel：「你暈咗⋯大約三日多啲啦⋯」原來我已經暈咗三日
「妳暈咗呢三日，曉桐姐每日一放學就衝過黎睇你，見到佢望住你嗰個樣，真係令人心酸呀⋯」曉桐佢真係日日都喺我身邊陪住我⋯ 我好想用盡我嘅一切能力好好補償返俾佢⋯

我：「話說，我⋯暈緊嘅時候見到Kelsey⋯」

Mel：「吓！？你係咪俾箱嘢扑到個人都索埋呀？」

我：「哈哈⋯可能係啦⋯」但係，喺我暈咗嘅嗰一小段時間，我見到嘅Kelsey，係真正嘅佢⋯唔係幻覺或者夢，係真正嘅Kelsey，我當時仲感受到佢嘅體溫，佢嘅一言一語，佢真摯嘅嘅感情⋯

Mel：「睇你傻成咁，咁份早餐你唔洗食㗎喇～」



我：「妳一個人食唔晒㗎～黎，俾我幫妳～」

Mel：「唔得，妳病人黎㗎嘛～要戒口㗎⋯」唉⋯ 呢個阿妹真係⋯不過妳嘅活潑，係我同Kelsey當年嘅開心果。亦都係現加我同曉桐嘅開心果。



「身邊所有重視你嘅人，都會不求名利、回報咁幫你。並唔係因為你對佢做過啲咩，而係你係佢所重視嘅人。」