嗰日放學，女神同吾顯眼嘅我表白【愛情】【校園】【武俠】: 第二十四頁：珊聰瑩的故事－年幼編

14年前
家姐：「細佬 我講故事氹你瞓教吖～」「嗯～」家姐：「好耐好耐以前 有一個王子......」
.
.
.
家姐痛到喊咗出嚟：「好痛呀！！！」媽媽分開我哋：「阿B 吾好咬家姐」家姐揞住隻手喊
.
.
.
我唔小心打爛左媽媽好鍾意嗰個花樽...媽媽返到嚟好嬲。家姐：「我頭先跑去廚房唔小心撞到...」家姐比媽媽用藤條打到跳舞......





兩年後
媽媽去世咗，爸爸佢娶咗第二個，生咗呀妹。
爸爸：「仔仔乖 唔好阻住家姐學劍 去同妹妹玩」當時呀妹六歲， 我八歲...「妹妹 一齊玩呀～」妹妹：「嗯～」

無咗個親生母親，起碼都仲補番個完整家庭...但係兩年之後，就剩返我哋三個...

［落雨行雷中］
我同妹妹都嚇到好驚，妹妹佢仲喊緊......家姐攬住我哋：「吾洗驚 家姐喺度」唔知點解呢個擁抱同埋說話令到我好安心。我亦同自己講，我依家係屋企唯一嘅男仔，可唔可以怕！
.




.
.
「我吾食！我唔鍾意茄子！」家姐：「食啲啦 唔好揀飲擇食」「我吾食！」講完就氣沖沖咁走入房，幾個鐘之後真係好肚餓。家姐起身去煮烏冬俾我食，自此之後我再冇係任何飯餸入面見到有茄子。

今日阿妹行返嚟嘅時候喊。我問家姐「妹妹做咩？」家姐：「瑩瑩～咩事吖～」瑩瑩：「有人蝦我...」家姐：「邊個吖～講比家姐知」之後我唔係記得好清楚，淨係記得家姐走咗去人哋屋企同人哋父母講，之後對方上門道歉。

「你地兩個蝦我嘅！我走啦！」之後破門而出。去到樓下公園，兩個男仔蝦緊個坐係沙地嘅女仔，個女仔仲要喊緊。我啱啱先比家姐同妹妹蝦完，我唔鍾意俾人蝦！

我上前企係個女仔面前，雙手打開，「唔準過嚟！」男仔A:「做咩啊傻仔」「唔准蝦佢！」其中一個男仔跳起打我一拳





待續