嗰日放學，女神同吾顯眼嘅我表白【愛情】【校園】【武俠】: 第二十五頁：第三個的母親－年幼編

之後就開始想打埋個女仔，即刻轉身用身體包住個女仔 做出保護姿勢，我嘅背脊一直比佢哋打緊...打左一陣。男仔B：「佢真係傻㗎喎 走囉我地」之後就離開咗

真係好痛...女孩：「多謝你 你係一個好人」我同個女仔玩到佢返咗屋企，我亦因為鬥氣，遲遲唔肯返屋企。再過多幾個鐘已經係八點幾九點，真係好肚餓...

最後返咗屋企，家姐過嚟摑咗我一巴：「你知吾知家姐好擔心㗎！然後唔準夜返屋企！」「關你咩事啫！」之後就入房鎖門。我發現我都未食嘢...

去到廚房發現微波爐有一碗飯同一碟餸...食完之後經過家姐房間。隱約聽到抽泣聲：「媽媽 daddy...珊珊真係好辛苦...」唔知點解聽到呢幾下喊聲，就好似聽到媽媽喊而出現嘅痛心......

家姐一直好辛苦，好大壓力，但從來唔肯展示係我地面前，一直都係到深夜嘅時候默默咁樣喊......





到咗中一，我鍾意咗一個女仔。姖亦經常同我WhatsApp 。我同家姐講。家姐：「係呀 但係要小心啲喎 唔可以比女仔利用 越靚嘅女仔越要提防」

我並冇在意佢講嘅嘢，因為我全個腦都係嗰個女仔......過咗幾日，女仔同我借咗一百五拾，過咗兩個星期佢又同我借二百，如此類推借咗差唔多有成千幾二千 ，但係冇還到。

被戀愛蒙蔽雙眼，完全唔覺有問題。家姐知道咗，趁我去沖涼嗰陣拎咗部電話同佢WhatsApp

［whatsapp－對象］
「我係佢家姐 我警告你唔好再當我細佬係提款機 你唔鍾意佢唔該你離開佢」
對象：「你都識講你只係佢家姐啦 咁關你咩事啫」
「我係佢家姐 佢係我一手湊大 點解唔關我事」




對象：「人哋係阿媽湊大嘅 原來佢係佢家姐臭...大嘅」
「你玩嘢嘅 我隨時可以叫成班friend去放學等你」
過咗十幾分
「我限你呢兩日同佢講清楚 仲有盡快還晒啲錢」

當我出到嚟已經冇咗呢段對話，收到嘅係......

待續