可能呢啲就係學生時代初澀嘅感情...: 第一章

一個學期就完喇，阿軒佢今日突然叫我去公園，話有嘢要畀我...同平時一樣...呀唔係，今次我比佢早到~
「今次終於到我等你啦~」
「超，你前幾次都慢過我過嚟啦...」
「好啦...其實做咩啫？」佢叫我攤開手板，喺我手上面擺咗個糖形狀嘅包裝，上面寫咗啲字。
「 你...睇下先啦。」
「折盈：祝下年可以升到同一個班...emm，大佬其實你whatsapp都得啦。」
「係咪唔要先？」「ofc no la！」佢笑左笑，低頭咬住嘴唇唔再講嘢。
古古怪怪......但我又好似樂在其中。
「...話說...你鍾意嗰個男仔，你諗唔諗住表白㗎？一年都就完喇喎」佢嘗試打破沉默。「唔啦，佢都有第二個鍾意嘅人啦...偶然返小學嗰陣時可以見到佢，同佢一齊行已經好好啦...」
即使聲音好微弱，但我都係聽到...




冇所謂，佢講咁細聲...一定有啲原因，我都唔會追究落去......
天色已經漸暗...我哋兩個企喺淡黃色嘅街燈下面，微風漸漸吹過，望住漸層色嘅雲同天空......好靚，喺呢刻先感受得到。「時間...都唔早啦！我返返去先啦...」係我轉身嗰下，後面有兩隻手一野拉住咗我。「你陪多我一陣啦！我怕...遲啲冇機會再咁樣啦...」即使佢低著頭，我都係清楚咁見到佢臉上面難忘而...嘅神色。
就陪多佢一陣啦...心入面某個柔軟嘅地方同我講。
「其實...如果...學你話齋，下年同班咪得囉！如其希望有個好好嘅離別，倒不如...希望唔使分離啦......」坐係長凳上面，畀呢個比男朋友更重要嘅男仔深深咁感染到...
畫面...越嚟越矇啦。我依稀記得...佢最後講咗句嘢......
「多謝你...我知道架啦！
...
...
...
我...鍾意你。」