是咁的，我嘅職業係幫人瞓覺: 二十一、自卑

我見阿俊個樣好似hang哂機咁，就知佢腦入面都自動將自己嘅職業選擇二分化咗。

佢知自己想做老師，但係唔做老師可以做乜，無經過仔細思考就一步跳咗落政府工嘅選擇。

其實，世界仲有好多可能性。

「咁我又真係無諗過喎⋯⋯」

「如果世界真係得依兩份工揀，咁非一即二就好咯。」

我嘅問題令阿俊沉思，或者連佢都驚訝原來係自己限制咗自己嘅選擇。

經過觀察，我發現其實阿俊某程度上係被自卑濛蔽咗雙眼。

已有 0 人追稿