是咁的，我嘅職業係幫人瞓覺: 三十五、輕鬆

阿婷右手拎住一個精緻嘅紙袋仔。

「啊，係禮物嚟架。我地行咯。」

我同阿婷雙雙走出青衣城，沿住海濱長廊向目的地出發。

我見阿婷若無其事咁行，帶咸味嘅海風吹拂佢嘅頭髮。佢應該沖完涼先出嚟，個身好香。

浸味係強生橙色嗰隻清新蜜桃沐浴露。

「你好似好輕鬆咁嘅？」

阿婷無回應，淨係向我笑一笑。

如果笑容可以殺人，我死咗九世。

但係阿婷無理由輕鬆。

已有 0 人追稿