是咁的，我嘅職業係幫人瞓覺: 三十六、膊頭

「我地到喇。」

無咩交流咁行咗十分鐘左右，我地就進入唔知公屋定居屋嘅範圍。

「佢就住喺依棟。」

我地喺對正嗰棟樓嘅公園坐低，十一點零五分。

「咁我瞓邊度好？距離太遠就幫唔到你瞓架喇。」

「就咁喺度挨住我瞓啦。」

阿婷拍一拍自己膊頭。

「吓？會唔會唔係咁好呀？一陣佢見到點算？」

阿婷無回應，淨係向我笑一笑，再拍下自己膊頭。

已有 0 人追稿