「成晚喎,好辛苦架。」

「係喇你介唔介意我播歌?唔係我會悶。」

唔想答嘅問題就唔答,唔想應嘅說話就轉話題。

「唔介意嘅,唔好太大聲就得。」

如果太大聲會嘈醒我。





阿婷做個「ok」手勢,喺牛仔裙袋拎出手機,一包未開嘅tempo紙巾低落地,我幫佢執翻起。

「唔該你。你瞓得架喇,唔使理我。」

「咁我地嚟訂立契約喇。伸出你隻手指尾。」


阿婷照做,我就同佢勾住手指尾,互相對望。

「你願唔願意,將八個鐘嘅睡眠時間交畀我?」





「我願意。」

我放開手,同阿婷並排坐。

佢嘅手機開始播歌,前奏好熟,係陳奕迅嘅舊歌。

「咁我瞓架喇。」

阿婷調較好個膊頭位畀我挨:「嗯,你瞓啦。」





佢呆呆咁望住公園嘅瀡滑梯。

我合埋眼,開始幫我嘅客人瞓覺,歌詞亦都慢慢喺我地之間遊走。

原來這裡

沒有你

原來世界

沒有那麼美

從前相依那天地

無奈已太乏味





都失去生氣

已有 0 人追稿