是咁的，我嘅職業係幫人瞓覺: 三十九、婷婷

我轉身，乜人都見唔到，但係明明有把小朋友聲講野架喎啱啱。

「我問你做咩入嚟呀？」

屎眼有種被異物入侵嘅感覺，痛到我成個人彈起。

被個𡃁妹千年殺咗我一野。

「快啲出返去啦，依度你唔可以入嚟架。」





拮我屎忽嘅𡃁妹紮住馬尾，戴住個大正方框眼鏡，又矮又肥好似小雲咁。

佢條藍色工人褲正面嘅大袋，插咗枝波板糖。

「你叫咩名呀？」

「我叫婷婷囉。」

「婷婷呀，你主人畀我入嚟架。」





婷婷無出聲，好似企鵝仔咁兜咗去我背後。

痛。

屎眼被佢隊多咗一野。