是咁的，我嘅職業係幫人瞓覺: 四十、八個鐘
「依度係我嘅地盤！佢無權話畀唔畀你入嚟！仲有唔准喺我面前講『主人』兩隻字呀！哼！」
婷婷谷起塊面，雙手抱胸，「哼」完就擰開唔望我，嬲爆爆咁。
我仲以為婷婷係阿婷嘅夢守衛，但夢守衛個個都好忠心，唔會好似佢咁對宿主人有咁強敵意。
仲有，夢守衛嘅目的係守護「主人嘅」潛意識，但婷婷啱啱話個夢係「佢嘅」地盤。
我走去篤佢塊面：「你係乜鬼野嚟架？」
婷婷對我怒目而視：「唔歡迎你呀，你走！」
「唔得喎，我同你主人有契約在身，會留喺度八個鐘架。我都做好朋友吖好無？」
婷婷聽到我會留八個鐘，即刻成個人好似《吶喊》咁。