婷婷留意到,每當佢搗亂一次,就要隔更長嘅時間先可以令半透明嘅身體復原,佢全身嘅透明狀態維持得愈嚟愈耐。

「我知道唔使幾耐,我就會消失架喇。所以呢,趁我被佢完全遺忘之前,我想用我最後嘅力量,令佢流眼淚。」

婷婷拉拉我,示意我踎低:「靠你幫手,令佢知道自己點解會喊。」

唔怪得,當婷婷之前聽到我話可以幫佢嘅時候,對我嘅態度就轉變咗。

阿婷唔係嗰類有自覺嘅人,就算感覺到唔開心,都唔會尋根究底搵出依種情緒喺邊度嚟。





「以前就算我令佢心情唔好,但佢其實唔知自己因為乜而唔開心。」

而我,就正正可以成為婷婷嘅代言人。
已有 0 人追稿