是咁的，我嘅職業係幫人瞓覺: 七十六、拜拜喇，大哥哥

婷婷閂埋房門。

「即使我嗰時犧牲自己令佢流眼淚，佢都唔知自己為乜喊。但依家唔同喇。」

佢拍打我膊頭。

「我想佢確實咁知道，自己一直以嚟係為咩唔開心。你話會幫我架，我地勾咗手指尾架。」

我點點頭：「嗯，應承咗就要做吖嘛。」





婷婷甜甜咁笑出嚟，好似聽到「我願意」嘅新娘咁，用肥短嘅手摸一摸我頭頂：「好聽話好乖呀下。」

「使乜講。」

我幫阿婷瞓覺嘅時間差唔多完，婷婷遞出佢枝波板糖：「請你食吖。」

我接過嚟，佢再話：「麻煩你喇，幫我同佢講一句電影嘅對白就夠。」

當我開始食波板糖嘅時候，一段回憶喺我嘅舌尖上綻放。





「拜拜喇，大哥哥。」