是咁的，我嘅職業係幫人瞓覺: 八十五、雙輸
我無辦法去選擇自己嘅客人係邊個，不過做依種接客工有趣嘅地方就係可以接觸到唔同嘅人。
有人幫人寫遺書接咗個強姦犯，有人做ptbf接咗個殺人犯，我接個八婆相比起嚟真係小巫見大巫。
「其實呢，你一直以為自己係贏嗰個，但你同阿朗一樣，都係輸。」
就算阿婷無自覺都好，佢仍然愛過阿朗。
相愛過嘅人分開，依段關係就只係雙輸。
我記得喺嘴唇掂到枝波板糖嗰下，阿婷嘅回憶綻放。
嗰一刻，我先明白點解婷婷嘅形體係小朋友，點解阿朗零零舍舍咁特別，唯獨有一個對佢負責任嘅良心。
點解我一直強調阿婷無自覺，係因為連佢都已經忘記咗依段最純粹嘅回憶。