是咁的，我嘅職業係幫人瞓覺: 九十四、幫我媽咪瞓覺
「醫生話佢應該依幾日內會走。」
「講明先，我最多只可以幫你瞓十六個鐘頭覺架咋。」
阿恆想我幫佢瞓覺，佢就精精神神咁守喺媽媽身邊，直到佢斷氣為止。
不過最大問題係唔知恆媽幾時先斷氣，我今日幫阿恆瞓咗，恆媽可以後日死架嘛。
雖然我嘅能力實際上無限制我幫人瞓幾耐，但係幫人瞓嗰陣我唔係瞓緊覺，所以一定要預留時間畀自己休息。
夢世界有兩個禁忌，其一係唔好進入人地嘅心之迷宮，其二係唔好喺夢入面瞓著。
呃⋯⋯其實又未至於禁忌咁誇張，因為我兩樣野都做過，只係因為幾乎走唔返出嚟，我先以後提住自己唔好再犯同樣嘅錯誤。
「對唔住，我講咗個大話。」
蝦米？
「我想你幫我媽咪瞓覺。」