是咁的，我嘅職業係幫人瞓覺: 一百零四、搖頭
「即使佢依然咩都唔記得，你講嘅任何野佢都唔知你講乜，佢同你嘅人生就好似從來無交集過咁，你都仍然要我幫佢瞓覺？」
我習慣醜話講喺前頭，唔希望恆仔對我嘅能力有咩誤會，就算我幫恆媽瞓覺，情況都係唔會好轉。
如果幻想或者期望我能夠令奇蹟出現，只會失望。
恆仔堅定咁點頭：「拜託你。」
「伯母，你好，我係嚟幫你瞓覺架。你願唔願意將一個鐘頭嘅睡眠時間交畀我？點頭就得架喇。」
恆媽雙眼半瞇，呆呆滯滯咁對住我。
「點頭就得架喇。」
恆媽微微一笑，搖頭。
玩完喇⋯⋯咁我點返出去現實世界？