是咁的，我嘅職業係幫人瞓覺: 一百二十、種子
「依個有三個圈，係最難整嘅一款嚟。」
捕夢器嘅中心應該會編織出一個圓，印第安人相信美夢會由中間嘅圓窿穿過。而窿嘅數目亦有唔同意思。
一個代表驅除惡夢；兩個代表會帶嚟和諧同安寧；三個代表身體同靈魂嘅統一。
「我特登揀穿咗種子依個，佢地話穿種子有幾種意思。」
其中一個係代表奇蹟。
我同恆仔一邊食野一邊傾計，最主要係佢講，我聽。
佢環遊完世界咁滯，可以講嘅故事自然更加多，仲有相畀我睇，圖文並茂。
「不過手機啲相無咁靚，我相機影嘅再靚啲。」
我留意到恆仔講野嘅語氣有一種輕快嘅感覺，同當日已經好唔同。