是咁的，我嘅職業係幫人瞓覺: 一百三十二、你記得我？

恆仔聽完都眉頭深鎖，但無耐就好似見到救星咁望住我身後。

恆媽嘅眼皮微微張開，眼珠指向我同恆仔嘅方位。

趁佢醒咗，我就走上前問：「伯母，你願唔願意將一個鐘嘅瞓覺時間交畀我？」

直覺話我知，佢係唔會願意。

恆媽微笑，慈祥咁望住我。

佢用盡所有力氣嘗試起手，好似想指住我咁，但係我同恆仔嘅方位係一樣。

「我諗伯母搵你。」

恆仔有啲錯愕，即刻跑上前跪喺床邊，捉住恆媽隻手：「媽咪⋯⋯你記得我？」

已有 0 人追稿