恆媽望住恆仔,笑容好似春至嘅陽光咁,可以融化整個嚴冬嘅積雪。

瘦骨如柴嘅手微微用力,恆仔亦識做咁鬆開,但佢唔知恆媽隻手想移去邊度。

恆仔用咗少少時間先理解到,原來恆媽隻手向住佢個頭慢慢靠近。

察覺到依點之後,佢即刻配合,將頭哄埋去恆媽隻手頭。

手,好似羽毛咁降落。





「仔呀。」

淚水湧出恆仔眼眶:「啊⋯⋯你記得我呀⋯⋯媽咪⋯⋯」

恆媽合埋眼,但整個表情帶住笑意,好似發緊一個美夢咁。

「還會⋯⋯記起嗎?」

熟悉嘅旋律喺恆媽口中斷斷續續流出:「以往⋯⋯怕黑那時間⋯⋯」





「誰挽手講故事,每晚。」

恆媽好滿足咁笑,手喺恆仔頭上左右掃咗掃。

「我愛你。」

手停喺頭上,無再郁動。
已有 0 人追稿