是咁的，我嘅職業係幫人瞓覺: 一百四十三、余先生
一個正常人一生之中，真正影響深遠嘅痛苦回憶唔會太多，因為承受太多痛苦嘅人會選擇了結一生。
我第一次誤入夢之迷宮，我總共解開咗個三個心結之後，先成功返咗去心房。
不過我當時並唔知情，要到我真係醒返先至知道自己誤入迷宮。吸取果次教訓之後我就無再隨便走入其他人嘅心之迷宮。
我當時發過誓唔會有下次，總之死都唔會再貪得意走入迷宮。
嗰一次委託，我又係會記一世，個客人叫余生，我仲好記得。
「講畀你聽，你會寫落書架可？」自己經歷過嘅故事被人寫入書度，應該係種幾得意嘅體驗。
「有趣我就會寫架喇。」
我將幫余先生瞓覺嗰時發生嘅事，一一話畀嘉儀聽。