是咁的，我嘅職業係幫人瞓覺: 一百四十七、煩惱
啊唔好意思，唔用依句粗口係完全表達唔到嗰一刻嘅錯愕同憤怒。
我諗無野仆街得過撬咗兄弟牆腳再請返佢做自己伴郞喇啩。
「煩咗兩日，完全無心機做野。唯獨係上堂教學生嗰陣叫做有返啲心機，但改簿改功課依啲都係煩野嚟。」
只要自己一個靜靜咁對住啲未改嘅功課，腦入面就會浮現返依樣野。
「有咩好煩？梗係唔好去啦！」
「唉，你唔明架喇。」
「我反而好好奇你點解會為一個根本唔使諗嘅問題而煩惱喎。」
我覺得去唔去做伴郎，同一加一等於幾一樣，個答案係屬於諗都唔使諗嘅類型。
點解會有人煩惱一加一等於幾而耽誤工作？