是咁的，我嘅職業係幫人瞓覺: 一百四十八、花蜜
「你好似係嚟幫我瞓覺架喎？」
「我個人好奇心比較重。啊，你唔想講可以唔講架。」
「無咩所謂喇。反正依件事我都唔會同親近嘅人講，你係個唔關事嘅陌生人我反而可以放心講你知。」
余生係真心為依件事煩惱，雖然我理解唔到，但都係聽咗佢嘅故事先。
佢同cheese一齊嗰段日子係佢人生中最開心嘅時間。
cheese善解人意，又細心體貼，煮飯家務十項全能，仲要無港女脾氣，係一百分嘅女朋友嚟。
余生一早已經諗好同佢結婚，無辦法幻想無咗佢嘅生活會點過。
而真正嘅幸福，往往好似花蜜一樣香味四溢，會自然咁吸引狂蜂浪蝶。