是咁的，我嘅職業係幫人瞓覺: 一百五十二、眼火爆
「做咩黑哂面咁呀？有野唔開心？講我知囉。」
「你可唔可以唔好成日借啲已掂我女朋友？」
阿邦聽到錯愕：「吓？啊，對唔住呀，你話疊佢膊頭嗰啲？慣咗呀，我都有疊你架，你知我唔係有心架，我對個個朋友都係咁。對唔住呀，我下次注意下。」
當然，講就咁講，做唔做就係另一回事。
之後出街，阿邦仍然繼續攻勢，乘機掂下cheese，咁余生梗係愈睇愈眼火爆。
「咳！咳！」佢故意清喉嚨，希望阿邦識做。對方見到，即刻收斂一下。
「做咩啊？」cheese見阿邦玩玩下唔玩，有啲無癮。
「你男朋友唔想我地玩咁埋架，唔係咁好。」
余生聽到依句更加係怒火中燒，個語氣好似講到佢依個理所當然嘅要求係錯嘅咁。