是咁的，我嘅職業係幫人瞓覺: 一百五十三、情緒失控
「吓？我唔介意喎，朋友之間咁玩之嘛。」cheese見阿邦無防備，即刻報仇篤佢條腰。
阿邦誇張咁彈起，但余生知佢根本唔怕唧。
「哇！衰妹偷襲？你死喇你！」
「停呀！！！！」余生喺佢兩個又要你追我逐之際，擋咗喺中間。
阿邦即刻舉起雙手，好似投降嘅劫匪咁：「冷靜，冷靜。唔玩喇，對唔住。」
「bb呀你做咩啊？」
余生對阿邦怒目而視，手護住cheese。
阿邦見狀，嘆咗口氣：「唉，估唔到⋯⋯咁多年兄弟，你咁睇我。」佢耷低頭，眼濕濕：「唔阻你地喇，我走先。」
余生都唔知講咩好，因為成件事顯得佢好小家。
兩個當事人都未介意，反而佢就眼火爆，情緒失控。