是咁的，我嘅職業係幫人瞓覺: 一百六十四、猶豫

佢背對我坐喺客廳，拎左方疊高嘅簿上最面頭嗰本，打開就用紅筆喺上面改野。

我瞓喺梳化上，冚好被，但仍然未閉眼。

一個問題喺我腦入面揮之不去。

點解余生會猶豫應唔應該做伴郎？

所謂猶豫，一定係心入面有兩種選擇，唔識揀嘅時候先會出現。





即使聽完佢嘅過去，我仍然唔明白點解喺余生心入面會出現「唔去」同「去」兩個選擇。

我聽得出，對於依位「兄弟」阿邦，余生喺描述佢嘅時候仲留有怒火。

「如果阿邦唔係同cheese結婚，你會唔會做佢伴郎？」

余生繼續低頭改簿：「仲使問？梗係會。」

「我唔係話如果一切都無發生，你會唔會去。我意思係阿邦搶走咗cheese，但無同佢結婚的話。」





「梗係唔會。」

「原來係咁。」

紅筆嘅滑動停止，背對我嘅余生微微抬起頭。