是咁的，我嘅職業係幫人瞓覺: 一百六十五、攤牌嗰日

「原來係點？」

我喺梳化坐起身。

「依個婚禮，有一個你想祝福嘅人，但嗰個人唔係阿邦。」

由佢撬走cheese開始，雖然余生嘴上稱呼佢做「兄弟」，但實際上已經無再當佢係兄弟。

雖然余生無喺嘴上再話cheese係「愛人」，但實際上，佢仍然係余生嘅愛人。





余生無回頭。

「我係咪好傻？」

「你後悔有啲野，當日你地三個攤牌嘅時候無講到。可能係一句祝福，你一直想同佢講返。」

余生沉默。

人生入面有啲好重要嘅時刻，我地會講錯說話，特別係離別嘅時候。





每當諗返起，都想返返去當日嗰個場景，嗰一刻，改變自己講嘅說話。

既然已經注定會分開，咁好應該將自己心底嘅感受毫無保留咁講最後一次，畀對方知。

但係嗰一日，余生選擇咗咩都唔講，選擇咗發洩怒火，選擇咗打阿邦一身。