是咁的，我嘅職業係幫人瞓覺: 一百六十九、走馬燈
「呃，余先生，你叫我幫你瞓覺，係咪要用啲時間嚟改簿？」
「吓？改咩簿？」
「呃⋯⋯學生嘅簿，你話校長要查簿改唔切⋯⋯」
余生笑咗笑：「你係咪發夢呀？我都唔係老師。」
即係我啱啱一連串所見嘅野⋯⋯都係夢之迷宮架構出嚟嘅假象？
「我搵你幫手瞓覺，只係因為想用通頂嘅時間整好隻公仔之嘛。你唔記得喇？」
余先生喺我面前搖一搖佢嘅手製毛公仔，示意我拎住。
「唔好整爛呀，要送畀人架。不過話說我以前嘅夢想的確係做老師嘅。」
余生走咗入廚房，拎咗杯水畀我飲。
我一直望住隻公仔，腦入面一大堆片段好似走馬燈咁播完又播。