是咁的，我嘅職業係幫人瞓覺: 一百七十、你……
我喺青衣嘅老麥坐咗陣等余生過嚟，之後我地就沿住青衣海濱長廊一直行，行到去一個屋苑，我就同余生一齊上樓，嚟到佢屋企。
然後佢幫我將枕頭同被放喺梳化，就拎針線、布同綿花出嚟放喺枱開始整公仔。
我同佢訂立契約之後就瞓咗，喺夢入面，我打開咗夢之迷宮嘅門⋯⋯
「其實我久唔久都會諗，如果我考公務員之前，如果有人叫我堅持繼續做老師，咁我依家嘅人生係咪就會幸福啲呢？」
余生停一停再講：「仲記得係考嗰日朝早先臨急抱佛腳，喺老麥食完早餐先溫書。」
夢入面經歷過嘅情景同現實嘅記憶終於接上。
「你⋯⋯你係阿俊？」