我同阿俊坐咗成晚嘅麥當勞,佢嘅佈置同擺設,其實同我喺青衣坐嗰間老麥係一樣,只係夢中嘅我完全無察覺。

但係實際上,嗰間老麥喺商場入面,根本無可能開廿四小時。

「唔?你點知我個名有個俊字?」

我一直喺夢之迷宮,入面所遇到嘅係余生「希望」發生嘅事。佢希望自己可以早一晚溫CRE。

而佢更希望,當日可以出現一個人叫佢堅持自己嘅夢想。





現實中嘅余生唔係老師,先至希望當日會有一個外人點醒自己。

余生細個係因為義教而想做老師,但因為驚自己能力不足,因為恐懼而無堅持落去。

現實已成定局,無辦法改變,所以唯有喺夢中滿足一個當日嘅「如果」。
已有 0 人追稿