是咁的，我嘅職業係幫人瞓覺: 一百八十四、對唔住

「因為佢呃我！！！」余生嘅拳頭抽起，準備向我塊面轟落嚟。

我同佢四目相對，唔會逃避。

「只係你唔信佢。」

拳頭向我衝過嚟。

迷宮展示咩畀我睇，反而係次要。





真正重要嘅，係夢無展示咩我睇。

髮絲被拳風吹得微微搖晃，拳頭喺眼前停低。

捉緊衫領嘅手慢慢無力，鬆開。

余生吸咗一口氣，嘴角抖震，放低拳頭。

佢烏低身執返起隻公仔，拎去放入一個精緻嘅紙袋，之後去斟水畀我同佢自己。





余生遞杯水畀我：「對唔住。」