嘉儀畫上句號,講解夢之迷宮嘅故事就咁完咗。

「睇嚟你唔止幫人瞓覺咁簡單喎。」

「其實好多時主要都係幫人瞓覺,依啲經歷算係少數。」

不過就特別深刻,即使成個過程係喺夢境同現實之間遊走,有時會記憶錯亂。

但當梳理好成件事嘅脈絡後,會發現好難忘記。





或者正正係悲劇先令人難忘。

「悲劇⋯⋯先令人難忘⋯⋯」嘉儀好似諗起啲回憶,微微耷低頭。

佢察覺到我以好奇嘅目光望住佢,於是集中返精神。

「無事,我諗起一個朋友啫。」

佢眼中嘅光彩好似被烏雲遮掩咗一樣,唔似係普通咁諗起朋友。





依種眼神帶有落寞,同可惜。
已有 0 人追稿