是咁的，我嘅職業係幫人瞓覺: 一百九十七、蛻變
但係佢話，佢無咗以前識朋友嘅恐懼。當然佢仍然無主動去識下朋友，話順其自然就好。
「無以前咁驚喇？」
「係呀，久唔久發夢會見到有個人陪我傾計，唔記得講過咩喇，總之就係咩都可以放心講畀傳聽咁啦。嗰種放鬆嘅感覺好舒服。」
我同余生一邊食飯，一邊互相講自己嘅生活。我講下自己幫人瞓覺嘅趣事，佢就講下自己報咗教育文憑課程，跟住落嚟有乜大計。
順帶一提，當日嘅至尊寶公仔無送到出去，余生唔知咁做係咪正確，但佢覺得如果要對下一任嘅伴侶公平，就唔應該依家喺埋一齊。
「你話得我啱，我鍾意嘅只係阿婷嘅影子。我要搵到佢其他會令我心動嘅特質，咁先可以真正咁鍾意佢。」
余俊朗，有種逐少逐少蛻變緊嘅感覺。
喺嗰日嘅飯局，我地兩個順其自然咁，成為咗朋友。