是咁的，我嘅職業係幫人瞓覺: 二百、金仔

由於我無睇哂個故事，所以嘉儀就將大致上嘅情況講咗畀我知，話當係我講故事佢聽嘅回禮。

雖然我同嗰位仁兄都係叫阿金，都係金仔，但我同佢根本無得比較。

我嘅程度，差太遠喇。

佢幫人寫遺書係直接面對死亡，背負人命。

而我幫人瞓覺只係面對人嘅潛意識。





佢嘅動機係吸收陌生人嘅負能量，以死亡同生命嘅重量懲罰自己。

我嘅動機係賺錢儲首期買樓，提早退休。

佢只係一個凡人，而我係擁有超能力嘅人。

我忍唔住會反思，作為有能力嘅人，我係咪應該可以做得更加多？

「我想請問，你可唔可以幫miki瞓覺呀？」





我嚇咗一跳，點解會彈句咁嘅野出嚟？