是咁的，我嘅職業係幫人瞓覺: 二百零八、筆記
或者就咁講有啲抽象，如果要講一個具體又人人都試過嘅情況，就好似bb仔會自動認得到乳頭吸食母乳咁，唔需要任何人教都自然會識。
蠶蟲係點學識吐絲結繭？蜘蛛又點學識織網？蚊係點學識吸血？雀仔係點學識拍翼？三文魚又點解會識游返去出生地產卵？
依啲本能，係每種生物去到某個階段自然就可以做得到。
而我喺能力覺醒之後，亦自然知道咗夢之迷宮嘅危險性。
情況就好似羚羊見到獅子就自然識逃走，點解呀？係源於本能上對捕食者嘅恐懼。同樣，我對迷宮亦有本質上嘅厭惡。
再加上入過去一次大難不死，真係唔敢再踏入依個地方。
「你已經唔係第一個咁同我講嘅人。」
miki將筆記簿掀去前少少嘅頁數，手指喺上面敲兩敲。