是咁的，我嘅職業係幫人瞓覺: 二百零七、關於超能力
「你知唔知呀？我第一次嚟嗰陣以為肥姐係食蟲架咯，幾白痴呀。」
miki丟垃圾後，小跳步咁行喺前面，咩都講下咁。
我喺後面跟住佢行，入咗去家樂坊入面間starbucks搵位坐。
miki一坐好就事不宜遲咁拎咗本筆記出嚟，單刀直入咁問：「係喇，你可唔可以描述下使用超能力嗰種感覺呀？」
啱啱嗰個有故事嘅miki好似蕩然無存咁，變成一個專業，講野強而有力嘅職業女性。
佢嘅正職係記者，但奇就奇在佢唔似要錄我音，反而好似準備用紙筆抄低我講嘅野咁。
記者唔錄音，都算少有。
「感覺呀，如果要形容⋯⋯唔⋯⋯呀！就好似㩒到腦入面嘅某個制咁。以前個制喺我伸手都掂唔到嘅地方，但唔知由幾時開始，我隻手就慢慢觸及到嗰個制。」
當我㩒落去嗰下，就自然咁識得點用依種能力。