[1/3/2015 18:22] 

我望望手錶,六點四,要嚟既都嚟齊,除左MK仔同援交妹。
不過都估到,佢兩個咁貪靚,點會咁快就番。
我既注意力由旺角電腦中心既門口,轉向我地身邊一班人。

本來一身OL LOOK既港女,換左件純白色既GAP衛衣,加條洗水牛仔褲,再配對黑色CONS,而且面上既淡妝唔知幾時已經比佢洗走左,成個人後生左好多。
我再睇情楚佢個人,不論樣定身高都同yo yo陳自瑤差唔多,唔怪得龍友之前會成隻狗公咁跟住佢。

至於龍友就唔洗講啦,佢本來就係一身咸濕龍友既look,為左扮同港女情況裝,特登跟住港女咁換左套一模一樣既衫,但係咁樣就顯得佢更毒更咸濕。





反而四眼警察既變裝就同之前好大分別,本來薯頭薯腦既佢,一換衫就變到男神咁。
本來180既身高已經無得輸,深藍牛仔褸,白色t-shirt,牛仔褲,同張家輝黑白道入面個look差唔多。
加上佢個樣真係同訊號王有得揮,同OL真係襯到絕。

至於大隻佬就咁搵左件黑色褸姐住自己啲肌肉就算,再幫運動姐姐咩番個背囊。
Major Tom換左佢件染滿血既T-shirt,著左件SHIRT衫就算。
而運動姐姐就著左件軍裝褸,加多個斜咩袋,成個人就好似打機咁由打手轉左做醫師。
我同啊樺就唔洗講啦,都係變左運動裝。





「唉,啊dee dee同靚妹去左邊啊。」大隻佬同我地一齊繞住手喺巷仔到等遲到既MK仔同援交妹。

OL都忍唔住「摺」左聲,四眼警察苦苦笑左笑話:「算啦……」

本來沿於寂靜既大家比運動姐姐既一個問題帶起左個討論既氣氛:「其實……大家有無諗過點解我地既屋企無去搵我地?」

「ER……」無一個解答到。啊樺再話:「因為我地本來就唔係衣個世界?」

我即刻反駁:「無可能!我啊媽今朝四點到先入嚟叫我早啲訓!佢係知我存在既!」





龍友補問:「咁會唔會係你四點之後先發現其他人見你唔到?」

我諗一諗出現左個好矛盾既答案:「……唔係,我肯定係今日十二點到就開始出事,因為果陣我去問人,佢地都無視我……」

OL斜視去我到話:「你既答案好矛盾姐,又話你知十二點開始無人理,但係四點果陣又話你啊媽叫你訓。」

我頓時語畢……


「喂!你地喺邊?」MK仔一到左旺角電腦中心就係咁大叫。

「屌!」大隻佬一見到MK仔咁大搖大擺就行左出去,我地既討論都暫時到此為止……

可能都六點幾七點,旺角電腦中心既門口人流開始減退,我地十個人就企喺巷仔到等緊一個時機,一個無咩人既時侯。
雖然話就話我地有左部相機,只要透過比對我地眼中所見同相入面實際影到既人,我地就可以搵出邊一個係假裝既西裝友,不過衣個方法唔係萬能。




只要一人多,比對既時間就會變到好長,到時西裝友一定會早過我地發現對方。
所以我地一路等,等緊個無咩人既時侯。

「影!」啊樺一聲令下,龍友即刻拎起相機對住個門口撳左下快門。
「喳」一聲佢部單反就已經影低左張相,龍友隻手指喺部相機轉幾轉就變左睇相mode。
佢load番張相出嚟後,就拎左部相機同大家開心share,一齊做比對。
但係啲人郁嚟郁去,都幾難對應番邊個打邊個,搞到成個比對工作麻煩左好多。

一直繞住手企喺周邊既港女OL「摺」左聲話:「你地做咩咁低能要喺到又影又睇咁麻煩啊?就咁喺個Screen到睇住啲人咪得囉,洗鬼影相咩!」

本來睇到金睛火眼既大隻佬即時「屌」出聲,好似話緊自己有幾蠢。

龍友對眼就當然望住港女OL發晒光咁話:「你好叻啊!」

港女OL即刻擰轉頭避開佢既視線。




好彩龍友都算識趣,佢雙眼由港女OL轉番去部相機到,佢轉一轉個setting,就變左喺screen到即時轉播實時景況。
因為港女OL既提議,成件事都變到快左好多,人都易認左好多。
對比既動作好快就完成,龍友講左聲「OK」就同我地一齊行入去。
龍友同啊樺打頭陣,雙眼不停喺個Mon同人群間來回對比。
我就同港女OL仲有四眼警察企後面Backup。
再其後既係大隻佬,運動姐姐同Major Tom,而MK仔同援交妹打最後排。

有左相機基本上都無咩好驚,而且我又企喺比較前頭既位置,所以都無咩好怕死,個人都安心左好多。
如是者,我地好順暢咁就行到去間相機鋪。

龍友將部相機交左比大隻佬同四眼警察話:「你同啊警察哥哥睇水,我入去執料比你地。」

佢就拉左我同佢去Counter到拎野交比大家。
如此景況就真係切切實實既明搶!
雖然店員既視線唔係集中喺我身上,但係我感到標大既壓力。




就好似你見到街上面掉錢,你走去執一樣。
就算無咩人見到你,但係你知道你咁做係犯法。
果然就算我去左個無人見到我既世界,但係我個心依然受住舊有社會既伽鎖。
到最後佢執左九部一式一樣既單反,四款鏡頭,四個腳架,幾十舊後備電,叉電器,仲有相機袋等等,當然個到啲店員當然咩反應都無。

如是者,我地就有無裝備既村民upgrade左做記者!
我地就開始向STARSBUCK進發!