[3/3/2015 13:44]

經過一輪止血,運動姐姐隻腳總算無事,應該話根本Major Tom就無心要去射中佢隻腳,只係擦邊而過。
而我地四個就坐晒喺地,等Major Tom入嚟同我地處死。
我望望隻錶,已經係一點四十四分,於是合埋對眼,等,耐心咁等。
果然唔洗幾耐,又係「 喳」一聲,進入左「大停電」。
睇嚟啊樺既分析無錯,只要有人死,過多一個鐘就會進入「大停電」既狀態。
我張開雙眼,再掃視周圍環境,雖然係好黑,但係因為我合埋過對眼一段時間,總算睇到野。
我望住地板上,去尋找四眼警察條屍。
可惜我咩都見唔到。






睇嚟係番左去現實世界……


我地五個無出聲,靜候「大停電」既過去。
如果者等等等,我心入面就一直數住:

一分鐘……





兩分鐘……

三分鐘……


到一切回復正常既時侯,我已經再無心機去數,但係我肯定「大停電」既時侯又長左。


究竟意味住啲咩?






當一切回復正常既時侯,港女OL好驚奇咁指住地下:「啊!Stephen條屍啊!去左邊啊?」
但係我地四個就好平常又或者已經接受左個事實。

大隻佬:「睇嚟Stephen應該番左去?」

運動姐姐點點頭:「感覺上就係,或者 「大停電」就係個過程去番番現實世界。」

啊樺帶點猶疑咁諗左諗,但係佢自己都無頭緒,佢只係問:「但係Major Tom講既野真係可信?」

我都表示同意咁講:「係囉,我都唔覺佢講既野值得信。」

大隻佬:「其實係咪一定要死得咁奇怪?」

啊樺:「而且佢講既野仲有個矛盾既位,就係佢講過可以真係殺左啊白你,但係又話可以帶我地番去。則係代表佢殺人既方法會決定我地既命運?要番去就一定要咁死?」





運動姐姐:「我諗係……」

「仲有佢講過有線眼睇住我地,係咪則係我地入面……」語畢之後再環視我地五個一周,我都係擰擰頭:「無,無可能,照道理推算。唔會仲有內鬼。」

大隻佬指指閘外面既路人:「或者佢係指出面?」

我:「都有可能。」

啊樺:「唔會,我地岩岩走過嚟既時侯都唔見有西裝佬跟住我地,我覺得根本就無西裝佬喺出面。」

港女OL:「摺,你地班kai子,用下相機都知有無啦。」

運動姐姐:「其實……我地啲相機已經無晒電……而且啲電全部都已經比Major Tom拎晒。」





港女OL瞬間被運動姐姐擊倒,唔得出聲。

啊樺:「咁則係……我估得無錯,Major Tom大緊我地。」

我:「咁會唔會根本西裝佬同Major Tom唔係同一陣線?」

運動姐姐:「我覺得好有咁既可能。或者一開始西裝佬攻擊Major Tom唔係一場戲,而係真既。咁咪講得通!」

點知啊樺又擰擰頭:「咁又未必,個重點係西裝佬都有襲擊過我同啊麟。我諗係因為唔夠人手。」

我地四個望住啊樺,等佢講落去。
啊樺望住我:「仲記唔記得我叫過你同啊強去掉部電話去巴士到?」

我:「哦!我明!係因為佢地派左人去搵部電話,所以就咁無人手。唯有大我地,迫我地留喺度。」





啊樺:「啊白,我想問其他人既電話呢?」

啊白指指閘外面:「比佢拎走晒。」

「我諗唔洗幾耐,西裝佬真係會出現架啦。」啊樺話口未完,已經見到有幾個西裝佬喺出面行來行去。