[劇毒]自從裝左小熊來電之後……我部電話就無響過……: 60
[28/3/2176 13:44]
唔洗幾耐，我地坐住白西裝佬架純白法拉利去到IFC前面停低。
當我以為要落車果陣，白西裝佬擰轉頭話：「唔洗啦。」
IFC門口打開左，仲有人指引我地入去。
白西裝佬將架法拉利馭到入去一個大型LIFT到，都只係一秒間，「叮」一聲，我地到左IFC頂層。
依到成層白雪雪，咩都無，得一張白色既辦公枱同三張櫈，當然仲有既就係全層360度既落地玻璃可以望晒成個維港境色。
我諗我成世仔都未試過見咁既境色……
我地同白西裝佬一齊落車，走到去佢既辦公枱到坐底。
白西裝佬：「麻煩你地將個人晶片交比我。」
我喺個褲袋到拎起果塊之前喺我頭頂到掉出嚟既晶片交比白西裝佬：「我想問依塊係咩晶片？」
白西裝佬：「小姐你交埋塊晶片比我先啦。」
港女OL見我淨係交左一張染左血既晶片，我諗佢都明白我所做既野，所以佢都只係交出左一張就算。
「好，麻煩你兩位。」白西裝佬望望果兩塊晶片續道：「Carina，keep it。」
一把電子合成過既女聲由成個樓層既四西八方傳過嚟：「yes sir」
隨之出現既係天花板上跌落佢機械臂，佢地將我同港女OL交出既晶片收起。
白西裝佬點點頭，表示滿意：「你地有無諗過你身體係做緊野，但係你個腦就玩緊？」
港女OL：「of course！邊個唔想。」
白西裝佬：「That's the point!依一塊晶片就係咁。It connect to a quantum computer，量子電腦。從而控制你地身體去工作，再generate一個虛擬世界比你地生活。」
我：「你地連量子電腦都整到，點解唔用機械人？」
白西裝佬：「你覺得人命貴啲定鋼鐵貴啲？」
我：「人！」
白西裝佬斬釘截鐵咁答：「SORRY，係鋼鐵。你知唔知依加地球人口去到幾多？已經過左200億，基本上人工唔再值錢，正常既打工仔都養唔起自己架啦，個個都要拎綜緩。Therefore，our government united 100 years ago and have a new policy：half human half computer。你地付出你地既身體，我地養活你地，再比埋工你地做。」
我：「what the fuck？」
白西裝佬：「That's policy。你地唔做野，個社會點run落去？」
我：「咁剩低唔洗做野既人呢？」
白西裝佬：「咁咪係到生活囉。」
港女OL：「It's not fair。」
白西裝佬：「我地已經做左我地最大既努力，至小你地唔知個真相，喺個虛擬世界入面生活。」
我：「咁點解我地會醒啊？」
白西裝佬：「我諗應該有VIRUS入侵左你地既晶片，令你地同我地既量子電腦DISCONNECT。最後，你地同所有NPC都無法互動。因為DISCONNECT左，你地既虛擬世界唯有靠你地每人晶片入面所儲存既資料去RUN。」
我：「即係Major Tom係我地晶片入面既保護程式？」
白西裝佬點點頭：「我地要將你地既意識shut down先可以再re install番個程式同我地既量子電腦 connect番。」
我：「咁點解係我地十個？」
白西裝佬：「我地當然唔會將所有人都放晒去同一個世界到，而係十個十個一group去form一個世界去確保你地唔會有交雜，再去控制你地既性格。As you know，一個人既性格係由佢出生所遇過既事而影響。我地要確保唔會有一個反社會既人格出現，所以我地限制左你地所遇過既事，去將個可能性降低。」
我：「咁……我係邊個……」
「ok wait. Carina, yz329845690324 life data」白西裝佬一講完，天花板上面降左個小型升降機落嚟，上面有份report。
白西裝佬伸一伸手話：「please.」
我即刻搶過份report，不停睇睇睇，入面記載左我醒番果時多左既記憶，果啲唔係我既我。
我睇到眼都突，我：「咁我……」
白西裝佬：「照我睇，你既年齡，應該係第三次轉世。你曾經叫過啊樺，係city讀public policy，係個好聰明既人。你又叫過啊強，做過跟貨車既工人。依加，你應該叫啊麟，right？」
我聽住白西裝佬講既野，我個腦開始亂……我究竟係邊個？
我係啊樺？我係啊強？定係啊麟？
白西裝佬問港女OL：「小姐？你需唔需要你既REPORT？」
港女OL擰晒頭：「唔洗啦，我知我叫過啊白，都叫過啊奇。ENOUGH！」
雖然我個腦好亂，但係我再問：「咁……其他人呢？其他人去左邊？佢地死左之後去左邊？」
白西裝佬：「我諗佢地既意識應該去左晶片既D DRIVE等REBOOT。」
我對住白西裝佬咆哮：「即係咩意思啊？」
白西裝佬：「UM……我估應該不停輪迴啦。不停死完又再出世，不停LOOP。生左出嚟無耐就死，不停LOOP。」
「FUCK！」我打算向白西裝佬揮拳，但係有幾條機械臂阻住左我。
我：「點解！點解你要話我知！」
白西裝佬一面冷靜道：「WELL，以你兩個既情況，已經番唔到去果個世界，所以你地會STAY番喺到，Upgrade做我地依個唔洗勞動既階層，一齊做政治家。」
聽到白西裝佬咁講我有啲動搖：「咁……佢地呢？無左我地兩個晶片佢地點form番個虛擬世界？」
白西裝佬：「有人升上嚟，就有人補番你地既位置，放心啦。」
我：「咁佢地既下一代呢？」
白西裝佬笑笑道：「一代為奴，世代為奴。我諗依個theory唔洗我教，你都知架，以前都係咁嫁啦。你唔係有錢既，你世世代代都好難做到有錢人嫁啦。只係依加個情況worse左小小姐。」
聽住佢講，我無野好反馭……
白西裝佬：「ok no more question？」
我同港女OL都擰擰頭，白西裝佬：「好啦，你地可以走啦。依兩塊晶片就係你地新身份既象徵，WELCOME TO OUR WORLD。」
天花板跌落兩條機械臂幫我地裝左新既晶片。
而我既新生活都開始左……
完？
INSTALL小熊來電加強版? YES/NO