坐喺靚女隔離,望望車廂裡...

今日嘅嘅紅Van都Full晒,坐滿晒乘客。

呢個位置都滿?好彩而家知掟姐~

唔係仲戇鳩鳩走去三聖嗰邊等,實冇位啦~

嗱!話口未完就見到有人喺路邊揮晒手咁!



「屌你滿撚晒喇戇鳩...」林雪一邊俾油一邊向企喺路邊嘅戇鳩仔Fing晒手!

冇車搭都唔止,仲要俾人屌戇鳩~

真係陰鳩公~

我就唔理咁多,邊望風景邊出市區。

由於唔係坐窗口位,加上身邊係個靚女,唔係咁方便望出去。



但我又忍唔住鬼鬼祟祟偷偷留意身邊個靚女。

只係偷偷望到個靚女氣定神閒咁,坐定定。

冇拎部手機出嚟睇,又冇望出面嘅風景。

好悶...

其實都唔只佢一個,我發現車上所有乘客都係差唔多...



不論男男女女,個個都係坐定定,唔太關心身邊嘅事物。

好無聊...成車人都好無聊...

「屌你老母今日做乜柒有咁多人出市區㗎?!冇位呀柒頭等下轉喇!」

或者...就只有林雪最有趣...

“吼!吼~依!”同成班無聊嘅乘客,坐住架紅Van一齊向深井出發。

途經西貢獻命嘅路障...都係直行直過。

“吼~依!依!吼!”繼續逢彎劈彎!直路直衝咁喺鋪滿楛葉嘅青山公路上飛馳!

唔使幾耐...離遠就見到啲...建築物...



離遠嘅山頭有一棟棟木屋...鐵皮屋...

海邊又有幾棟舊樓...

又嚟到深井...

“依!吼...吼...”紅Van開始減慢車速...我已經見到幾個Full Gear嘅警察巡緊。

又見到路邊有幾架警車停泊咗喺度。

當然唔少得幾塊藍色紅色LED路牌。

喺幾架鐵馬之間駛過...



“依!依...啪!”紅Van停定後,隨即打開車門。

車上嘅乘客紛紛落車。

我都急不及待咁跟住落。

落到車之後,身邊有唔少警察喺度吹緊水。

有幾個仲眼甘甘咁𥄫住我身後個靚女。

屌死警犬,正仆街!

除咗制服,咪又係一隻狗公!

靚女就無視班警犬,喺我身邊行過...行咗上前...



咁我都係唔好理咁多...跟住靚女身後行...一直沿住路邊...同班Full Gear嘅警犬擦身而過咁行...

“沙 沙 沙”沿住鋪咗唔少碎沙石嘅路面,跟住個靚女穿過警察設置嘅閘口後...

『去邊好呢?』我企定定咁望望呢個充滿警犬嘅舊區,諗一諗...

再望望一齊坐紅Van過嚟嘅乘客都好似好清楚自己既目標,各自跟住自己嘅方向四散...

『唔...都係繼續跟住個靚女啦~』

我就成個變態佬咁,離遠跟住個靚女身後...

嗱!其實我就唔係真係咁變態㗎姐!



只係...我只係喺呢度搭過Van仔去青衣同荃灣...真係唔知仲有乜地方,可以由呢度搭車直接去到,所以先當靚女係導遊姐~

真係冇其他意思~

我就跟住靚女行,行到嚟小巴站。

企喺靚女身邊等小巴,唔知呢個站嘅小巴係去邊㗎呢?

嗱~我都話自己真係唔知頭唔知路㗎啦~

只知隔離嗰班等緊車去青衣嘅麻甩佬,個個帶住猥瑣嘅眼神視姦我身邊個靚女...

收拾心情去叫雞啦!仲𥄫女...

當然,我點喺心裡暗屌,都係阻止唔到班麻甩佬繼續視姦靚女...

又當然靚女都冇理會過班麻甩佬~

靚女總係氣定神閒~看破紅塵~

或者...都俾人𥄫到慣晒啦~

同靚女一齊等,唔使幾耐,身邊又多咗幾個人一齊等。

再成班人一齊等咗一陣...

“吱!依!”就有架紅Van駛咗過嚟。

我睇睇車頂塊牌...係寫住...

旺角?

呢架紅Van係直達旺角?

如果係去旺角嘅話...都唔算唔錯...

旺角都算係香港傳奇地方之一...

成名作係...MK妹~

唔係唔係!係多衫賣~

今次出嚟係想買衫順便搜集情報嘛!

做正經嘢!做正經嘢!

等到一班乘客落完車之後,我就跟住靚女上車。

「二百...二百...位位二百...」四眼紅Van司機就攤大手等收錢。

嘩...又二百...

我喺銀包裡面拎張二百蚊交到四眼司機手上...

成個銀包冇晒錢...

睇嚟出到旺角要撳咗機先...

車上嘅單人位都俾人坐晒。

靚女都係坐喺二人位嘅窗邊。

今次我就真係唔再坐佢隔離喇~免得真係俾人當變態佬啦~

我就選擇坐喺靚女後面嗰個位~(仲撚變態...)

坐喺紅Van裡面等多陣,等到全車坐滿乘客...

「好...起飛...」四眼司機一閂埋車門立即俾油!

“吱!”紅Van就起飛!

沿路上,呢程車我就放心望望車窗外嘅風景~

望望路上嘅LED顯示牌~再望望對面青衣...

第一次...遇上逆行者嘅地方...

就連青衣橋都斬得斷嘅逆行者...

偶然...

逆行者嘅能力都同我哋一樣,有級數之分?

應該就係...

尋晚一開始遇到嗰一個...再之後出現嗰四個...喺能量同氣息方面...有明顯嘅分別...

初初遇到嗰個逆行者係最弱...

而佢哋五個又同偶然有一大段距離...

所以明顯逆行者嘅能力都有級數之分。

只係...隨便一個都有綽姿咁勁...

所以我尋晚咁都唔死得算係咁㗎喇~(講到尾,其實都係想讚吓自己~)

之但係...假如如果萬一咁唔好彩...再俾我遇到逆行者嘅話...我仲可唔可以保得住條命仔?

“吱~”紅Van繼續向九龍方向行駛。

交通明顯變得繁忙,路上都多咗好多車。

未見過嘅私家車有~紅色的士有~九閪仔巴士有~仲有好多好多好多貨車。

其實霸佔路面嘅,大多數都係搵食車。

“吱!飃!”望住一架又一架搵食車喺身邊飛過...

究竟呢個年代嘅旺角...變成點呢?

又唔知有啲乜喺前面...等住我呢?

帶住期待又緊張嘅心情,塞住車咁駛入美孚...

車速好慢...令人心煩...

差唔多每個燈位都要停...停完又停...

好唔容易先駛到去油麻地...好唔容易先嚟到旺角...

“依...依...依...啪!”紅Van駛到入小巴站停定後,隨即打開車門!

車上嘅乘客包括坐前面嗰個靚女都落車。

我就跟喺最後,最後一個落車。

落到車望一望,已經唔見咗頭先嗰個靚女嘅蹤影...

『唉~算啦~都嚟到目的地,唔使再跟住導遊姐姐喇~旺角姐~自遊行都得啦~』

不過第一件事要做嘅係...撳機先!

我行出小巴站,望望出面嘅街道...

『好似...都冇乜點變...』

行人路上都係咁多行人...馬路上都係塞滿晒車...

我慢慢走入人群之中...順流而行...

而家都算係早上,都咁多人喺街上?

留心觀察身邊嘅路人,有西裝友同OL趕緊返工...有啲拖住個旅行箱走難咁走...

點解都仲係咁多呢啲蝗走落嚟?

蝗國唔係已經飛到上宇宙㗎喇咩?

香港仲有啲乜咁吸引佢哋?

真係唔明...

不過明唔明都好,到咗呢個年代嘅香港都係被蝗洗劫呢個係真。

被一大班男男女女逼住咁企喺燈位前等...

過完燈位又向住銀行方向行...

我諗...過咗廿年,銀行應該都唔會搬嘅。

繼續順住人流咁行,行咗一段時間終於俾我行到嚟銀行。

『果然呢~地址冇變~四周嘅景物都差唔多~只係...好似多咗啲LED廣告牌...』

望望四周圍大樓嘅牆身...都有唔少LED廣告牌...

有啲仲要幾立體添。

日光日白都咁鬼光,夜晚仲得了嘅?

又話減少光害乜乜乜,睇嚟都係鳩吹。

我就唔理咁多喇~入去撳機先~

入到銀行,都有唔少人撳機。

我就一邊排住隊,一邊拎部電話出嚟...

我記得銀行戶口得返一百蚊...一百蚊做得乜柒吖?

所以都要用Sil轉返啲港幣先!

我鬼鬼祟祟咁,望望啲CCTV會唔會影到我...又望望啲人會唔會望過嚟...

啲半圓球CCTV就應該望唔到...啲人就掛住低頭望電話...

好!快手對錢先!

我好快手咁撳入SPIRIT App將1 Sil對返一千蚊港幣!

然後Lock返部電話,扮晒等得好唔耐煩咁!

話晒都做咗成個禮拜行者,係有返啲Sense嘅~

等咗一陣...都仲有兩個先到我...

其實我又唔明,點解仲有咁多人撳機...

唔係已經電子化晒㗎喇咩?

你話喺特殊區裡面先會信現金多過電子貨幣姐~

出到嚟,應該都係以電子貨幣交易㗎啦~

深井嘅茶記都可以用電話找數啦!

就算話要搞過數嗰啲嘢,網上銀行都應該可以做晒!

咁...仲有乜人會好似我咁,走嚟撳機咁麻煩?

再等多陣,終於都輪到我。

望望部櫃員機...都係同特殊區入面嘅差唔多姐~

我就快快手手咁撳:『撳幾多好呢...一千蚊啦!』

一千蚊差唔多㗎喇!

淨係搭車返去都唔見七百啦屌!

好快手咁撳咗一千蚊出嚟,結束使用就袋返兩張五百蚊入銀包走人!

出返嚟條街都係咁多人。

『而家去邊先好呢?』被一個又一個男男女女圍住身邊,擦身而過。

唔...都係搵搵嘢食先啦~

繼續跟住人流行,又行到嚟旺角行人專用區。

成條街都係冇乜分別...都係人多車多...

街舖都係主要由百老匯呢啲大品牌攞晒。

仲有嘅係...真係勁多LED廣告牌...

企正喺馬路正中心,望望左右兩邊嘅唐樓...外牆都掛滿大大小小五光十色嘅LED廣告牌...

仲要識郁!電視廣告咁!

真係花多眼亂...

究竟住喺上面啲人係點生活?

佢哋係點瞓?

唔好話夜晚點瞓...日頭都俾佢哋閃到眼花啦!

真係...痴撚線...

“BIBI!”兩聲!

我望住面前有架貨車,個司機探頭出嚟:「行撚開啦!企喺馬路中心阻撚住晒!車撚死你呀喇!!!」

『Sor...Sor...』我立即行返上行人路...

「屌痴撚線!」貨車司機邊屌邊俾油!

“吱!!!”望住架貨車駛走...

做咩姐...行人專用區唔係廿四小時生效㗎咩?

唉算~快啲去搵嘢食好過~

本來打算去旺角最有名嘅銀龍食個茶餐,點知...

『又係百老匯?!』企喺銀龍嘅原址,望住百老匯嘅招牌...

原來已經執柒咗...

連銀龍呢啲閪餐廳都執得,睇嚟而家要係旺角立足真係好撚難...

我就只好繼續行...繼續搵...

行咗成條街都係搵唔到有嘢食...

我就只好...轉入橫街窄巷...

平日Lunch都會走入嚟搵食...

反正都係一個人食...而且仲...平好多...

有一間日本嘢成日幫襯...

唔知廿年後嘅今日...間日本嘢執咗未呢?