《香港傭兵》: [Day 14－紅色警戒] PART 13
『點解會...又會係...』我望住一點點紅色粒子漸漸失去光芒...消失...
同今日下午...
「好強大...」羅羅諗一諗，「好強大嘅精神能量...」
好強大...應該比起下午嘅目標人物...更強大...
「點會...」綽姿都諗一諗，「又係由皮膚直接散出...」
又係由皮膚直接散出...
『仲要有好似盾一樣嘅紅色力場擋住！』係...AT力場？！
「應該係...」羅羅諗咗一諗，再望住綽姿，「大量精神能量聚集而成嘅防護盾...」
綽姿點點頭：「我都有聽過...只要去到某個級別嘅行者長袍...令精神能量密度超過一個水平...就會形成一道有如盾一樣...無堅不摧嘅紅色六角力場。不過...我都係第一次見...」
乜係咁㗎咩？
以我嘅理解...就只有渚薰所講...“是的，你們Lilin是如此稱呼的，不管甚麼人都無法侵犯的神聖領域，心之光。LILITH應該也知道呀。A·T·FIELD就是任何人都擁有的心之壁。”
「究竟係咩人？點會喺呢度...枯竭...」羅羅望向枯竭...
枯竭正拎住部電話撳撳撳撳撳：「啱啱已經Upload咗我哋所遇到嘅...」
綽姿就行去...地上嘅...屍體...
我都跟住綽姿...行近屍體...
屍體殘缺不全...只係見到身上著有黑色裝甲...仲有唔少鮮血流到地上...
我同綽姿都踎近屍體...再睇清楚啲...
呢種裝甲...有啲似警察嘅裝備...喺深井駐守嗰啲...武裝警察...
之但係綽姿檢查屍體...推翻屍體...都唔見有“POLICE”字樣...
「有咩發現？」羅羅都行到嚟我同綽姿身邊。
「應該係呢度守衛嘅屍體。用上重裝備。」綽姿企返起身。
『守衛...重裝備...呢度只係科學園咋喎...』科學園又點解要有呢種重裝備守衛守住？
「睇嚟唔係咁簡單。」綽姿就沿住...地上嘅血跡行。
唔係咁簡單？
其實我都已經覺得好唔簡單㗎喇喎...
我哋一行五人都跟住啲血跡行...血跡主人...應該就係嗰個重裝備守衛...
重裝備守衛身負重傷...被扯斷雙手之前一直爬...一直爬...被斬斷腳之前一直跑...地上嘅血跡...沾血嘅腳印...喺前面...
當我哋跟住血跡...腳印行入漆黑嘅室內...隱約見到地上有一件件...人體殘肢！
手手腳腳...一截截咁散喺地上！
我哋五個都各自行去啲殘肢附近睇清楚...
喺光線不足之下，我提升視力...可以睇到...有啲切口好齊...冇血...好似燶咗一樣...分開三份...明顯係紅光利爪爪斷！
就好似眼前呢件上半身殘肢...成個腹部連裝甲被攔腰折斷！
但頭部呢？個頭已經唔知飛咗去邊...但斷口仲有血流落地上！
明顯係被夾硬扯甩個頭！
好殘忍...
再行多幾步...望多兩望...啲手手腳腳唔係切斷就係扯甩...仲見到有被咬過嘅死人頭！！！
雖然仲戴住頭盔...但就咬到塊面爛晒！血跡斑斑！！！
都係頭先嗰個有如喪屍一樣嘅少女做嘅？
係食人？點解會食人？！
枯竭一邊撳撳撳電話...一邊視察周圍...
我哋幾個又一邊視察周圍...檢查散喺地上嘅人體殘肢...
全部都係...都係重裝備守衛...
啲殘肢都分得幾散...粗略估計應該最少都有六人...
激唔激烈就唔知...一面倒就應該㗎喇...
突然！
「嗚呀呀呀呀呀！！！」出面有慘叫聲！
我哋五個都望出去出面！
好遠！應該係由好遠好遠好遠嘅地方傳過嚟！
呢種叫聲...同頭先嗰隻喪屍少女...仲有下午嘅目標人物...極相似...
當我想行返出去之時...
「唔需要理...」羅羅轉個身，「嗰邊應該有人處理緊。」
有人...處理緊...
羅羅同綽姿繼續行...向住升降機方向行...
我、枯竭同盛況亦跟住行去升降機...
行到嚟升降機前...升降機門都已經爛晒！
睇個損毀情況...係被利爪爪爛！
羅羅同綽姿都探頭望落升降機槽...
我都靠近損毀嘅升降機門...感覺到...有陣熱氣由下面升上嚟！
我再八八卦卦咁探頭望一望...望到下面有...紅紅火光！
雖然望唔到落最底...但就隱約見到有微弱火光...
除咗話望到下面火光紅紅之外，隱約仲見到...𨋢槽牆身...有唔少爪痕！
由地面呢層...一路落到下面...就咁睇...爪痕仲要好深...
上面呢？上面有冇？
抬頭望上去又唔見有...
『係呢...樓下係唔係通去...停車場？』我再向下望...
真係好深...好深...只係見到有一點火光...
「中間有幾層或者係停車場...」羅羅全神貫注咁向下望，「但最底層應該唔係。」
最底層應該...唔係？
「你感應唔到咩？」羅羅塊陰暗面容之中，兩點紅光望住我。
『吓？』感應到啲乜吖？
「佢嘅感應範圍好短。感應唔到唔出奇。」綽姿擰擰頭，「真係好弱。」
又話我弱？！
「真係好可愛喔～嘿嘿...」羅羅陰陰嘴笑...
點解我會感到背脊一涼...
突然！
身邊嘅枯竭拎住部電話：「有任務更新。」
同時！我感覺到部電話震咗幾震！
我哋四個都拎部電話出嚟...就已經見到...畫面顯示出一條通知...
通知係寫住...滅絕異常生命體？！
異常生命體...係指...
我再撳入通知...隨即打開SPIRIT App！
畫面一轉，就係委託嘅內容！
冇錯！今次我睇到委託內容！仲要有好多細分！！！
原來可以有...有咁多資料...
首先可以睇到...而家嘅目標係要滅絕異常生命體！
而所謂嘅異常生命體係...撳到入去！撳到入去！我就撳入去睇睇...
裡面有張...相！
相裡面係一個著住染滿鮮血嘅白色長袍...披頭散髮...身上散發住紅色粒子...雙眼發出紅光...雙手亮出紅光利爪嘅少女！！！
雖然話張相唔算影得太清楚，但都可以肯定相中少女唔係頭先我哋交手嗰個！
呢張相...應該係由其他隊嘅行者影...Upload...
唔止呢張...撳張相仲彈咗十幾張出嚟！
有幾張係張牙舞爪！有幾張呆呆滯滯！有幾張擘大個口！有幾張好似暴走嘅初號機爬行！仲有幾張同行者戰爭緊！
十幾張相...有好幾張都唔同樣...唔係同一個少女...
即係話...唔止兩個...就咁睇相都好似有五六個...
五六個咁多？
應該唔止...應該仲有更多...
唔係嘅話...又點會仲要我哋去滅絕異常生命體...
除咗相...仲有片！（不過我就唔花時間再去睇...）
至於異常生命體嘅特徵...亦都有列出...
擁有極強大精神能量...不穩定...失去理智...極具侵略性...食人...主要以精神利爪攻擊...會鎖定較高精神能量行者攻擊...
雖然資料唔算多...仲唔係幾準...起碼都叫有資料參考...
點樣唔係幾準？
好明顯啦～唔使問啦～會鎖定較高精神能量行者攻擊喎？頭先隻異常生命體瞄撚住我嚟砌喎！我咁鬼弱...又點會係較高精神能量嘅行者吖？
莫講話羅羅同綽姿...枯竭同盛況都勁過我啦！
點會係咁瞄住我㗎？！
應該係“會鎖定精神能量較弱嘅行者嚟欺負”囉...
睇咗有關異常生命體嘅特徵之後，就睇睇我哋Team...
我睇到我哋Team...有指示...進入地下層？！
然後仲有幅地圖...應該係科學園嘅平面圖！
地圖上仲有唔少紅色圓點...圓點之中仲有隊號！
其他隊嘅行者嘅位置都睇得到...
仲要郁緊！係即時動態地圖？！
今次嘅資料真係好齊全！！！
再睇睇我哋身處嘅位置...好接近通往地下層嘅入口！
就係...我哋面前嘅...𨋢槽？！
其中一個地下層入口...就係我哋面前嘅𨋢槽...
唔止我哋面前...其他大樓都有入口通往地下層...
我哋係其中一隊最接近入口...所以就要我哋入去？
只見另一個入口有另一隊人進入...然後紅點就消失咗！
喂！係死咗定收唔到呀？！
好撚不安喎！
「準備進入地下層。」羅羅企喺𨋢門邊。
『就...就咁落去吖？』咁撚不安都要落？
「嗯。」綽姿都企喺𨋢門邊，「跳落去。」
喂喂...我唔係問點樣落去吖！！！
羅羅同綽姿二話不說，同時踏前一步跳落𨋢槽！
嘩嘩嘩...又...又係咁突然？！
枯竭同盛況亦都跟住跳！
喂喂...點解吖...你哋唔覺得好不安㗎咩？！
四個都跳晒...我都要跟住跳㗎啦！
『唉...死就死啦！』我都喺𨋢門邊踏前一步...一跳！
由𨋢槽急速向下跌...
唔跌落去都冇諗過...都好似幾高...
唔係好似...係真係好高...
向下直插咗都幾耐...同火光嘅距離都好似冇拉近過咁...
仆街喇呢次...究竟有幾高...有幾深？
仲要跌幾耐？咁跌落去會唔會死㗎？！
我唔要跌死咁撚柒呀！！！
“嗡！”我都係拔出精神刀，亮出紅光刀刃！一刀插入牆身！
“吱！”的確係有減到速！
睇嚟我都幾叻仔～
唔好驕傲自滿住～我望到火光越嚟越近喇～差唔多到喇～真係好大火呀！
我一落到底，就被熊熊烈火包圍住！
嘩嘩嘩！燒乳豬！燒乳豬！喺墜毁嘅升降機殘骸之中變燒乳豬喇！！！
我立即跳出火海！跳出破爛𨋢門！
我一跳出大堂，就見到羅羅、綽姿、枯竭同盛況都拎住精神刀...亮出紅光刀刃！
而整個空間...都係紅紅地...飄散住...紅色粒子？！
被大量紅色粒子包圍之下...望住四個背影...向住四周戒備...
唔止眼見...個感覺都...
四周都被氣息包圍！
係氣息...整個空間都充滿住氣息...
仲要係好亂...雜亂嘅氣息...
雜亂嘅氣息令我感覺唔到眼前羅羅嘅氣息...綽姿嘅氣息...枯竭嘅氣息...盛況嘅氣息...
就好似...被干擾...訊號被干擾...
究竟呢度發生咗咩事？
唔係唔係！除咗呢度發生咗咩事之外...更重要嘅係...
『呢度係咩地方？！』呢個...地下層...
「唔清楚...」羅羅提高警覺！「被氣息包圍...仲要係...雜亂嘅氣息...」
連羅羅都咁講...
「嗯...」綽姿都提高警覺！「被雜亂嘅氣息包圍...寸步難移...」
連綽姿都話...寸步難移...
大家都唔敢輕舉妄動！
或者真係因為被雜亂嘅氣息包圍...好不安...
再加上...地上都有幾件屍骸...殘肢...
冇錯！而家我哋身處嘅大堂...地上都散有著住重裝備嘅人體殘肢...
牆身都有唔少子彈窿同爪痕...
究竟呢度係咩地方？
點解科學園地底會有個咁嘅地方？！