《香港傭兵》: [Day 14－紅色警戒] PART 17
「嗚呀呀呀！！！」兩隻異常生命體一左一右勢凶夾狼咁衝埋嚟！
“嗡！吱！嗡！吱吱！”我揮刀格擋左邊異常生命體A嘅利爪攻擊後，再轉身斬向異常生命體B隻紅光利爪！
點解又係我呀？我都唔係最勁嗰個！
“嗡！嗡！吱！”我再轉身向異常生命體A斬多兩刀之後，一個小彈跳向後彈！
「嗚...呀！！！」背後傳嚟異常生命體Boss大嗌！
我回頭一望，就望到異常生命體Boss舉起大大隻紅光利爪，向住我正面撲埋嚟！
就喺呢個時候...
“嗡！吱！”片翼喺空中三百六十度轉身！車輪轉咁斬落異常生命體Boss隻紅光利爪！
異常生命體Boss退後一步，再站穩陣腳！
片翼就企喺我背後！雙手持刀！擺出迎戰姿勢！
「嗚呀！！！」異常生命體Boss立即踏前一步，再次向片翼展開攻擊！
同時！喺我面前嘅異常生命體A同B好似初號機咁趴喺地上！向住我爬過嚟！
“嗡！吱吱！嗡！吱！嗡嗡！吱吱！嗡嗡！吱！”我就同片翼背對背，邊轉圈邊與異常生命體交戰！！！
好快！好猛！異常生命體A同B嘅攻勢又快又猛！
唔止異常生命體A同B...一轉到去同異常生命體Boss交手，佢嘅攻擊力大到差啲就招架唔住！！！
話口未完...
“嗡！吱！！！”異常生命體Boss隻超級紅光利爪劃破我把紅光刀刃，爪落我隻手臂！
『呀！』唔少紅光粒子由我手臂上...三條爪痕中飄出！
羅羅同綽姿立即趕過嚟攻擊異常生命體Boss！
偷偷望一望手臂...傷口好彩唔算太深...
然後異常生命體A同B又向我施展利爪攻擊！
“嗡！吱！嗡！吱！”我左擋一爪！右砍一刀！
唔入...都係唔入肉...但唔入肉都要砍落去！
“嗡嗡！吱！嗡！吱吱！”橫斬直砍轉身斜上斬再接半月斬！
唔入肉...唔入肉都不停咁向住異常生命體A同B身上亂斬亂砍！
同時！就算綽姿同羅羅夾擊異常生命體Boss，都好似唔多夠打...
“嗡！吱吱！！！”話口未完，綽姿同羅羅同時被異常生命體Boss所爪出嘅紅光爪氣爪到飛開！！！
綽姿同羅羅都跪喺地上抖抖氣！
片翼立即上前補位！
“嗡！吱！嗡！吱！！！”一刀又一刀，片翼揮幾刀，刀刀都中異常生命體Boss！仲要係入到肉！
異常生命體Boss身上又出現發出紅光嘅刀痕！仲要飄出紅色粒子！
而我其實都唔係話咁得閒睇表演...我仲同異常生命體A同B互有攻守！！！
“嗡！嗡！吱吱！嗡！”左擋異常生命體A兩爪！快速右斬異常生命體B一刀！
紅色嘅刀光爪影...閃過不停！
唔可以停...唔可以停落嚟！
“嗡！吱！！！”我一抽刀！異常生命體B就俾我抽到飛咗去九丈遠！再順勢轉身一腳踢向異常生命體A！又飛咗去九丈遠！
「嗚呀！！！」異常生命體A同B同時落地！碌咗幾個轉再趴喺地上！
至於異常生命體Boss就被片翼抽刀打咗上天！喺空中俾片翼亂斬！斬到全身多處刀痕！飄出大量紅色粒子！
片翼喺空中向異常生命體Boss展施轉身斬！
“嗡！吱！！！”異常生命體Boss用爪一擋！成隻左爪被斬斷！化成無數紅色粒子！
「嗚...呀！」異常生命體Boss就三百六十度轉體九周半撻落地！
當片翼落返地...正想給予異常生命體Boss最後一擊之時...
「嗚...嗚呀！！！」異常生命體Boss突然一手扯住異常生命體A個頭！一啖咬落佢條頸！
異常生命體A漸漸化成紅色粒子...被異常生命體Boss吸進口中！！！
做...做咩吖？
「嗚...嗚...」化成無數紅色粒子嘅異常生命體A完全被異常生命體Boss吸進口裡...吞噬...
而異常生命體Boss吸完異常生命體A都好似唔夠喉...立即再捉住異常生命體B個頭！一啖咬落佢條頸！
異常生命體B亦都一樣...漸漸化成紅色粒子...被異常生命體Boss吸進口中！！！
係...係吸收？呢種算唔算係吸收？
「嗚...嗚...」化成無數紅色粒子嘅異常生命體B亦都一樣...完全被異常生命體Boss吸進口裡...吞噬...
竟然可以...吸收同類？
然後...
「嗚呀呀呀呀呀！！！」異常生命體Boss身上爆出大量紅色粒子！身上嘅刀痕立即埋口！
異常生命體Boss被片翼斬斷嘅左手，膊頭位置再次有幾條紅光...紅線...伸出！
又再次交織...百幾...千幾...數之不盡咁多條紅線伸展...交織返隻手臂出嚟！
全隻手臂...發出紅光...發出刺眼紅光嘅手...發出刺眼紅光嘅左手！
好光！好刺眼！身上仲有唔少發出刺眼紅光嘅花紋！
好多...好奇怪...唔知係乜嘅花紋...圍住喺異常生命體Boss身上...發出刺眼紅光...仲有...背脊...異常生命體Boss嘅背脊...十二隻紅色嘅...光之翼？！
大量紅色粒子喺異常生命體Boss背後噴出...噴出一條條紅光...紅線...好似有十二隻紅色嘅光之翼...飄動...飄動...
異常生命體Boss企定定...口中不斷有紅色粒子飄出...雙眼仲要發出刺眼紅光...盯實我！
咩嚟...究竟係咩嚟...所謂嘅異常生命體...究竟係咩嚟㗎？！
「嗄...」異常生命體Boss踏前一步...輕輕揮動發出刺眼紅光...好似光管一樣嘅左手...
企喺眼前嘅片翼面前立即展開絕對領域！
“吱！轟隆！”絕對領域產生大爆炸！
大量紅色粒子喺空氣中飄散！
雖然片翼絲毫無損...屹立不倒企喺我面前...之但係頭先嘅大爆炸...係片翼用絕對領域擋住異常生命體Boss嘅攻擊？
只係揮一揮手...睇唔到有乜嘢飛過嚟...就產生咁大威力嘅大爆炸喇？
「你哋都將精神能量提升防禦力...」片翼緊握精神刀，「唔好攻擊。」
吓？即係點呀？
只見綽姿同羅羅身上嘅紅色粒子越嚟越光...越嚟越多...
哦哦...照字面解就係提升防禦力啦...
我都集中精神喺身體上...
當身體上嘅紅色粒子越嚟越光...越嚟越多之時...
片翼一個箭步就跑到去異常生命體Boss面前！橫斬一刀！
“嗡！吱！”異常生命體Boss用發出刺眼紅光嘅左手，握實片翼嘅紅光刀刃！
竟然...竟可以徒手握實精神刀刃？！
“吱！吱！！！”大量紅色粒子由掌心與刀刃之間飄出！
「嗚呀！！！」異常生命體Boss雙眼有十字紅光一轉！
“吱！轟隆！！！”喺異常生命體Boss與片翼之間產生大爆炸！！！
『嘩！！！』呢一下大爆炸比起頭先威力更大！
雖然我已經提升咗防禦力...之但係仲係感受到強大嘅衝擊力！
而四周嘅火勢明顯增強！更加猛烈！
一片火海之間...刺眼紅光閃過不停！
睇清楚啲...片翼向住異常生命體Boss亂刀狂斬！
而異常生命體Boss有絕對領域閃過不停！
異常生命體Boss嘅絕對領域...比起頭先...明顯更紅...更光...更亮...更刺眼！
片翼一個轉身抽刀斬落異常生命體Boss條腰！
喺異常生命體Boss嘅絕對領域擋住片翼抽刀斬嘅同時，異常生命體Boss一個左直拳打落片翼胸口！
“吱！”片翼嘅絕對領域一擋！成個人就向後飛開！
片翼一個後空翻落地！企正喺火海之中！
異常生命體Boss再一個認真一拳，隔空打向片翼！
閃亮住紅色粒子嘅震波就震開火海！直轟片翼面前！
「哼！」片翼一抽刀...
“吱！！！”紅光刀氣就將紅光震波斬開！！！
無數嘅小型紅光震波向四周散開！有唔少仲擊中羅羅同綽姿！
羅羅同綽姿都被小型震波震到退後幾步！
嘩...只係小型震波...都震得郁羅羅同綽姿？！
仲要已經谷盡防禦力...
萬一係我...完全食到應嘅話...實化成紅光粒子啦！
片翼身上嘅紅色粒子越嚟越光...氣息亦越嚟越強！
其實都唔係而家嘅事...
其實一直都增強緊...已經強咗好多倍！
仲可以有幾強...仲可以強到去邊個境界？仲要強到去邊個境界先打得贏面前隻怪物？！
「嗚呀！！！」異常生命體Boss握實拳頭衝向片翼！
異常生命體Boss一拳打向片翼！
“吱！”片翼直接用刀刃擋住異常生命體Boss一拳！再用刀柄鑿向異常生命體Boss下巴！
異常生命體Boss向後退一步！
“嗡嗡！吱！”片翼再向異常生命體Boss揮兩刀！
異常生命體Boss背後嗰十二支光之翼同時向前一爪！一條條紅光線就噴向片翼！
片翼揮刀擋擋擋！
“嗡！吱！吱吱！吱吱吱！！！”紅光刀刃與紅光線擦出無數紅色粒子！！！
就連光之翼...都有攻擊力？！
而且仲好似...極具破壞力！
光之翼都冇直接掂到塊地...地面都被劃出一條條痕！
越嚟越多...越嚟越密...越嚟越深！
仲有啲...飛到埋我身上！
“吱！吱！吱吱吱！”身上出現幾條紅光痕！少量紅色粒子喺光痕之中飄出！！！
仆街喇...雖然就唔係好深...只係好似被A4紙劃咗幾十下....但都叫做已經提升咗防禦力...咁都被輕易劃破？！
片翼再擋多幾下之後，又一個轉身抽刀斬落異常生命體Boss身上！
異常生命體Boss被斬到飛上空中！飄浮喺空中？！
飄浮喺空中嘅異常生命體Boss盯實片翼...突然雙眼有十字紅光一轉！再轉！！！
“吱！轟轟隆隆！！！”片翼身處嘅位置發生連環大爆炸！！！
『嘩！！！』極強大嘅衝擊波將我震到退後咗幾步！
而家現場環境除咗火海一片...仲有大量紅色粒子喺空氣中飄散！
好紅...成個環境比之前更紅！！！
點呀？片翼係唔係已經被炸成紅色粒子喺空氣中飄散喇？
唔係...仲未...片翼仲未玩完...我仲可以感覺到...好清楚咁感覺到...佢股極強大...且霸道到令人窒息嘅氣息！
一度極刺眼嘅紅光由紅色粒子之中閃出！直飛向異常生命體Boss！
“吱！！！”係片翼！片翼一刀插入異常生命體Boss胸口！！！
「嗚呀！！！」長長嘅刺眼紅光刀刃刺穿異常生命體Boss胸口！
片翼由異常生命體Boss身上抽返把刀刃出嚟之後，順勢轉身一斬！穿過異常生命體Boss身體！
片翼化成紅光再由右至左一斬！再穿過異常生命體Boss身體！再快速由下至上一斬！再穿過異常生命體Boss身體！
「嗚！嗚！嗚！嗚！呀！」異常生命體Boss就喺空中被片翼使出超究武神霸斬ver.5！
片翼一落返地面...
「嗚呀！！！」異常生命體Boss就跌喺佢背後！
只見異常生命體Boss全身有多條紅光刀痕...背後十二支光之翼已經消失咗...
仲...仲未...咁都仲未化成紅色粒子？！