《香港傭兵》: [Day 14－紅色警戒] PART 16
係片翼...的確係片翼...單手捏住一個著住白色長袍...好似博士咁嘅老男人條頸...秤到雙腳離地！
我哋三個穿過火焰...再行近兩步...
「答我...究竟你哋做過啲乜好事？」片翼再用力一捏！
「嗚...嗚...呀...唔好...唔好...我都係...嗄...都係聽上頭吩咐...呃...呃...」博士抖唔到氣...雙腳踢踢...勁辛苦...
聽上頭吩咐？
咁佢嘅上頭又係邊個？Ozwell E Spencer？！
「你哋究竟研究咗啲乜出嚟？答我！」片翼再用力一捏！
「我...我哋...呃...呃...嗄...呃...」博士伸晒脷！雙手捉實片翼隻手！雙腳踢過不停！好似就快死咁！
喂...喂...你咁樣盤問唔得㗎Sephiroth...
你捏到人哋條頸咁實...叫人點講嘢姐？氣都抖唔到啦...
你睇你睇...佢面都青埋喇...缺氧喇...喂...喂...佢死㗎喇佢死㗎喇...就快俾你捏死喇Sephiroth！！！
就喺我正想上前提點片翼之時...
博士身上突然多咗五條紅光爪痕！
博士嘅下身隨即散落地上！
咩...咩事？
我再睇清楚啲...博士屍體身後...有兩點紅光！
片翼立即一手Dom走博士上半身！跳後一步！
而家就可以好清楚咁睇到...有一個全身被紅色粒子包圍...雙眼發出紅光...左手亮出刺眼紅光利爪嘅身影！
係異常生命體！
“嗡！嗡！嗡！”我、綽姿同羅羅都第一時間拔出精神刀！亮出紅光刀刃！
再睇清楚啲...而家眼前所見到嘅異常生命體雖然都係...女仔...但同頭先一路上遇到嘅...有啲唔同...
而家眼前所見嘅...冇著長袍...赤裸裸！
之但係全身上下都有唔少一塊塊...好似繡花...又好似紋身咁嘅紅光！
紅光一閃...一閃...極刺眼！
唔止紅光繡花紋身...異常生命體身上仲有唔少發出紅光嘅裂紋！
有唔少紅色粒子由裂紋之中飄出！
而最大分別嘅係...紅光利爪！
而家眼前所見嘅異常生命體...左手被大量紅色粒子包住...紅光利爪都比較長！比較大！仲要有勾刺咁！
外型就差唔多描述完...到氣息...
一樣係雜亂...但好明顯...而家呢隻異常生命體嘅氣息勁到嚇死人！
點吖？而家係唔係打Boss嘅節奏喇？
突然！
「嗚呀呀呀！」異常生命體Boss向住我揮一爪！（點解又係我呀？！）
五條紅光爪氣就向住我飛埋嚟！
“嗡！吱！！！”片翼立即企喺我面前！揮刀斬散爪氣！
竟...竟然係片翼...幫我擋？
望住片翼嘅高大背影...身上閃燦住紅光...好有安全感...
「嗚呀呀呀！」異常生命體Boss踏前一步！一閃！
好快！快到變咗條紅光！
同時！片翼踏前一步！一閃！
好快！亦都係快到變咗條紅光咁！
“嗡！嗡！吱吱！嗡！吱吱吱！”兩條紅光撞埋一齊！然後就不停閃出刺眼紅光！
好快！太快！快都乜都睇唔到！只係睇到紅光閃燦！閃燦！
其實我都唔想食花生...我想去幫手！但就連睇都睇唔清...點幫？
“嗡！吱吱！嗡！吱吱！嗡！吱吱吱！”有唔少刺眼紅光刀氣...爪氣向住四方八面飛出！
地面被紅光刀氣劃到一條條刀痕！
四周嘅火焰亦都被紅光爪氣爪開！
同時...
“轟！轟！轟！轟！轟！”成個空間不停爆炸！
做咩呀？點解會有爆炸...唔通係...
紅光刀氣同紅光爪氣擦過遍佈喺空間裡面嘅紅色粒子...產生爆炸？！
我都未諗清楚個原因...
「嗚呀呀呀！」突然！有四條紅光爪氣向住我揮埋嚟！
“嗡！吱！！！”綽姿立即一手拉開我！再幫我硬擋！
羅羅亦睇準時機加入混戰！
「嗚...呀呀呀！」
唔得吖...唔可以再食花生㗎喇...大敵當前乜都唔做食花生真係好撚樣衰㗎！
「嗚呀...嗚...嗚呀呀呀！」
我都集中精神...提升五觀...六感...
睇清楚...開始睇到...睇到三個紅光身影...睇到一刀...一刀...一爪...一爪...
睇到喇...感覺到喇...感覺到綽姿嘅氣息...羅羅嘅氣息...片翼一閃一閃嘅氣息...異常生命體Boss嘅雜亂氣息...
睇到...感覺到...死就死啦！！！
『嗚呀！』我揸實把精神刀衝過去！
一埋到去，咁啱片翼擋住異常生命體Boss利爪攻擊！綽姿同羅羅擋住紅光爪氣！（係唔係想問點解同一時間異常生命體Boss又可以攻擊片翼，又有紅光爪氣攻擊綽姿同羅羅？因為佢哋嘅攻速都真係極快！快到連文字都描寫唔切！）就俾我見到空檔！
“嗡！”我兜頭砍落異常生命體Boss！
紅光刀刃就砍正異常生命體Boss個頭！
當然！完全砍唔入！
我就估到㗎喇...邊有咁易吖...
「嗚嗚...嗚呀...嗚...嗚呀呀呀！」異常生命體Boss爆出絕對領域！將我哋四人一同彈開！
『嗚呀！』當然我又係彈得最遠嗰個！
唔止...仲失晒重心！
「嗚嗚...嗚...嗚呀呀呀！」異常生命體Boss極速閃埋嚟我面前！
好快...真係好快！
「嗚呀呀呀！」異常生命體Boss一爪爪埋嚟！
又大又長仲要有刺咁嘅紅光利爪快要爪到落我身上！
我自然反應之下...舉刀一擋！
“吱！”係！的確俾我及時擋住！之但係...手上嘅紅光刀刃瞬間被切斷！
能量太大...太懸殊...瞬間就被切斷...
今次...仆街喇...
喺千鈞一髮之際...
“嗡！吱！”片翼喺唔知邊個方向跑埋嚟我身邊...再由唔知邊個角度一閃！
「哼...」紅光刀影斬向紅光利爪！
異常生命體Boss凌空三百六轉體三周半落地！成隻初號機咁趴喺地上！
望住片翼嘅高大背影...身上閃燦住紅光...又係幫我...擋？
已經係第二次...
短短幾秒之間（或者更短...）...片翼已經幫我擋咗...兩次...
或者你唔覺得有咩咁出奇...
但我必須提返你...行者之間唔賣你豬仔已經偷笑...
仲話幫你擋？
仲要係一個大人物...幫我呢啲小人物擋刀？！
鼎鼎大名嘅Seph...片翼...先行者排名第二...幫我呢個唔稱職嘅隨行者擋刀...仲要兩次咁多...
真係好Man吖...
死啦...我發現有少少鍾意咗佢...（係唔係要轉Gay路線？）
「嗚...嗚...」異常生命體Boss仲係趴喺地上...口噴少量紅色粒子...盯實我同片翼...
而喺面前嘅片翼...身上嘅紅色粒子越嚟越光...氣息都越嚟越強！
本身已經好強...而家仲要越嚟越強...究竟片翼仲可以強到去咩境界？！
片翼雙手持刀...以牙突姿態衝向異常生命體Boss！
“嗡！吱！”片翼一個反手上斬！異常生命體Boss就用紅光利爪擋完再反爪！
“嗡！吱吱！嗡嗡！吱！嗡！吱吱！”片翼橫斬直砍轉身半月斬！異常生命體Boss就直爪橫爪亂咁爪！！！
無數紅色粒子就由片翼手中嘅刺眼紅光刀刃同異常生命體Boss左手嘅刺眼紅光利爪之間飄出！
至於綽姿同羅羅喺度做緊咩？
佢哋兩個當然就唔會好似我咁企喺度食花生啦！
佢哋兩個...喺火海之中...各自同緊另外兩隻異常生命體戰鬥緊！
冇錯！又多咗兩隻異常生命體！
嗰兩隻異常生命體睇起上嚟冇異常生命體Boss咁勁...之但係都唔易對付...
綽姿同羅羅都挨打緊咁...
點好呢？我而家應該...點做好呢？
幫綽姿？幫羅羅？定係同片翼一齊搞掂隻Boss先呢？
只見異常生命體Boss向片翼使出重爪！
“吱！吱！”片翼單手持刀左擋！右擋！將異常生命體Boss彈到後空翻落地！
「嗚呀呀呀呀！！！」異常生命體Boss再向住片翼一跳！舉起隻發出刺眼紅光嘅超級利爪！
就喺異常生命體Boss快要嚟到片翼面前...片翼一刀刺向異常生命體Boss！
“嗡！”刺眼嘅紅光刀刃就刺入異常生命體Boss胸口！
入晒！刺眼嘅紅光刀刃刺穿異常生命體Boss胸口！刀尖由背脊刺出！
入到...片翼嘅攻擊...對異常生命體Boss做成傷害！
「嗚...嗚...呀...」被片翼以長長嘅紅光刀刃舉起嘅異常生命體Boss好似好痛苦咁...雙腳踢踢...
片翼一刀Fing異常生命體Boss上天！自己再跟住飛上去！！！
“嗡！嗡！吱！吱！”片翼向異常生命體Boss揮兩刀！異常生命體Boss又用利爪擋兩刀之後...
“吱！吱！吱吱吱！”片翼就喺異常生命體Boss上刺刺刺刺刺！
「嗚...嗚...嗚...嗚呀...」異常生命體Boss被片翼刺中多刀！身上被刺穿一個個...發出紅光嘅窿！
“吱！吱！吱！！！”片翼一刀就刺入異常生命體Boss左臂！順勢兜嘢Dom返佢落地！
「嗚呀！」異常生命體Boss應聲跌落地面！
片翼仲要乘勝追擊！由上而下一刀砍落異常生命體Boss！
“嗡！吱！！！”異常生命體Boss及時以紅光利爪擋住！但冇用！成隻左手被片翼砍斷！
「嗚呀呀呀！！！」雖然被片翼嘅背影擋住視線，睇得唔算太清楚...但都見到異常生命體Boss成隻左手斷開！化成無數紅色粒子喺空氣中飄散！
我仲隱約見到...異常生命體Boss左臂切口仲噴出大量紅色粒子！
重創喇...片翼真係好勁...一個人就重創Boss！
就喺呢個時候...
「嗚呀！！！」異常生命體Boss身上嘅紅光窿窿開始埋口！
唔止...唔止被片翼刺穿嘅窿窿...就連左邊膊頭...左邊膊頭...有幾條紅光...紅線...伸出...
越嚟越多...越嚟越密...十幾...百幾...數之不盡咁多條紅線伸展...交織返隻...手臂出嚟！
全隻手臂...由紅光...變返一隻手...發出刺眼紅光嘅利爪！
竟然...竟然有再生能力？！
唔止...唔單止係再生能力...呢種再生嘅方式...好似...同我哋好似...同綽姿上次被逆行者斬斷左臂...喺床上深層睡眠嘅時候生...返左臂出嚟...好相似...
點會...點會咁㗎？
就喺我滿頭問號之時...
「嗚呀！」異常生命體Boss向片翼噴出口砲！
極刺眼紅光噴向片翼！
喺片翼身後嘅我...見到片翼面前突然閃出一道...紅色嘅...六角形...絕對領域！
“吱！！！”片翼嘅絕對領域擋住異常生命體Boss嘅口砲攻擊！！！
片翼都有...絕對領域？！
片翼嘅級數...有絕對領域都唔出奇...只要去到某個級別嘅行者長袍...令精神能量密度超過一個水平...
片翼嘅絕對領域完全抵擋異常生命體Boss嘅口砲！
當口砲嘅紅光消失後...
「嗚呀！」異常生命體Boss立即衝向片翼！
“嗡！吱！嗡！吱！”異常生命體Boss揮咗兩爪！片翼揮刀擋兩擋後...
「嗚...呀呀！」異常生命體Boss又向住我衝埋嚟！
點解㗎？點解又係我呀？一直同你打緊嗰個係片翼喎！！！
“嗡！”異常生命體Boss一爪就爪落嚟！
“吱！”我立即舉刀一擋！再以刃引之形化解利爪攻勢！
當紅光利爪沿住紅光刀刃向斜下滑落...我快速揮刀一斬！斬落異常生命體Boss肩膊！
“吱！”當然...斬唔入...
我立即順勢向後彈幾步！拉返開個距離！
係！雖然好醒咁俾我拉開同異常生命體Boss嘅距離！之但係我感覺到左右兩邊...
「嗚呀！！！」同時有異常生命體接近！
你兩隻唔係分別同羅羅綽姿對戰緊㗎咩？做乜無啦啦又睇中我呀？！