《香港傭兵》: [Day 18－險中求液] PART 08

我趁住逆行者又企定定...望住自己手中...一閃...一閃嘅綠光刀刃...

『喝！』我踏前一步...以忍步衝向逆行者！

“嗡！吱！”我嘅橫刀一閃就被逆行者以綠光刀刃反手一擋！

擋住又點？擋得住都要繼續！

“嗡！嗡！吱！嗡！吱！”我一直向住逆行者迫埋去！施展出橫斬直砍袈裟斬回身半月斬！



要繼續...不停進攻！向住逆行者不停揮刀進攻！

逆行者不停後退！以綠光刀刃擋住我嘅一波又一波猛烈攻勢！

擋呀！避呀！退呀！就等我睇你捱得幾耐！！！

“嗡！嗡！嗡！吱！嗡！”逆行者避開我幾刀！再擋我兩刀！我再由下而上，由右至左一刀斬向逆行者！

“吱！！！”逆行者以綠光刀刃一擋！借勢向後一跳！跳上帆布摺臂篷上！



我立即緊跟上去！同時揮兩刀！

“嗡嗡！”斬爛帆布摺臂篷！

逆行者極速向後迴避！跳到去木屋頂！

我再借住被我斬爛嘅帆布摺臂篷殘骸一跳！跳上空中！喺正逆行者嘅頭上雙手舉起精神刀！

『喝呀！！！』由上而下直砍落逆行者！



逆行者立即擺出防禦姿態！

“嗡！吱！！！”紅光刀刃與綠光刀刃相格之間...擦出大量紅綠色粒子！

我再用力一壓！

“砰！啪！嘭！”木屋企隨即塌下！

我同逆行者同時跌落木屋攤檔之中！

當逆行者單腳落地嘅剎那之間，我一腳踢落佢胸口！再一個轉身落地！

逆行者失去重心後退兩步...

我就立即向逆行者施展一閃！



“嗡！吱！”逆行者及時以綠光刀刃擋住...仲要揮刀一震...

『嗚呀！』將我震出木屋之外！

我凌空轉咗兩個圈...插把精神刀刃落地再滑後兩三米...

可惡！都仲係斬唔中！

唔好話要斬中要害...就連要喺佢身上斬一刀都做唔到...

唔止咁...仲有...仲有佢嘅氣息...突然又強大咗！

明明頭先向佢發動攻勢之時...係好弱...最弱之時...



冇錯...我就係睇準佢最弱嘅時候先發動攻勢！

之但係...點解而家又...又突然咁強...

“嗡嗡！砰！啪！嘭！”逆行者揮兩刀...成間七彩繽紛嘅木屋就俾佢斬都爛晒！木板殘骸四散！

逆行者一步一步咁行返出嚟...企定定望實我！

好強嘅氣息...身上嘅綠色粒子都好光...好亮...

之但係...都唔夠必然同偶然強...

都仲係我遇過咁多逆行者之中...最弱嗰個！

逆行者向我擺出防禦姿勢：「你究竟...係咩人？」



我都企返喺身...向逆行者擺出防禦姿勢...

「點解...」

夠打嘅...

「點會...」

淨係一個逆行者...

「你究竟係咩人？」

遇過最弱嘅逆行者...



「我問你呀！」

我一個人...

「究竟你係咩人呀！」

一定夠打嘅...

『喝呀！』我以忍步衝向逆行者！再次施展一閃！

“嗡！吱！”逆行者輕鬆以綠光刀刃擋住我嘅一閃攻擊！

「淨係識得一閃！」逆行者一邊以綠光刀刃檔格我嘅紅光刀刃，同時大腳一踢！踢落我個肚！

『嗚呀！』將我踢到飛上空中！

逆行者向住我一跳！飛上嚟我面前！斬兩刀！

“嗡嗡！吱！”我以紅光刀刃一擋！再擋！

力量好大！能量好高！差啲擋唔住！

點會...點會咁㗎？！

“嗡！嗡！嗡！吱！嗡！吱！！！”我同逆行者就喺空中進行攻防戰！

綠光刀刃一斬！紅光刀刃一擋！逆行者用腳一踢！我又用腳一踩！

刀來刀往！紅綠粒子就混埋一齊咁喺空中飄散！

明顯...

「你究竟係咩人？！」

逆行者嘅力量大咗好多...

「你嘅出現...」

能量都強咗好多...

「會令...令能量不穩？！」逆行者喺空中向我踢一腳！衝埋嚟揮兩刀！

“嗡！嗡！”我避開一刀！但避唔開第二刀！

『呀...』右臂中一刀！少量紅色粒子就由傷口飄出！

我都趁住逆行者進攻間距嘅空檔向佢施以橫一文字斬！斬落佢左臂！

“嗡！”斬入咗！喺逆行者嘅氣息又處於最弱嘅時候斬咗一刀！少量綠色粒子就由佢左臂嘅傷口飄出！

我哋兩個都各中一刀嘅情況之下...喺半空之中同時向對方踢一腳！

被紅色粒子包圍嘅我...同被綠色粒子包圍嘅逆行者就好似隕石咁隕落...

我同逆行者各自隕落到木屋殘骸之上...一個轉身單膝半跪喺七彩繽紛嘅木板上！

雖然我中咗一刀...但好彩唔算太深...

更好彩嘅係...我都斬得入佢...

被綠色粒子包圍嘅逆行者企喺七彩繽紛嘅木板之上...望住自己左臂...有少量綠色粒子飄出嘅傷口...

斬得入就得喇...

只要把握到...把握下一次...佢息氣最弱嘅時候...

逆行者望完自己個傷口...再望返住我...身上嘅綠色粒子又勁光...勁亮咁...

究竟...幾時會係下一次...仲有冇下一次...

包圍住逆行者身上嘅綠色粒子一光！踏前一步就閃到埋嚟我面前！

好快！我同佢嘅距離...都有十幾米之遠...但竟然...突然就已經嚟到...

我都未嚟得切舉刀...逆行者就以精神刀柄一鑿！鑿落我個頭！

『嗚！』我暈一暈！

逆行者就一手捉住我條頸！拋一拋起！

我雙腳離一離地...

逆行者向我亂刀狂舞！同時我都勉強咁以精神刀刃擋格！

“嗡嗡！吱吱！嗡嗡嗡嗡！吱！”好重...每一刀都又快又重...好大嘅能量！

雖然仲嚟得切擋...擋得切...總算勉強擋得住...

“嗡嗡！吱！嗡嗡吱！”

之但係...

“嗡！吱！”

擋到我隻手都...

“吱！嗡！嗡！吱！”

震晒...

話口未完...逆行者以綠光刀刃沿住我手上嘅紅光刀刃一轉...轉三圈！

“吱！嗡！”我一鬆手...手上嘅精神刀柄就飛到上空中...紅光刀刃消失...

今次弊！

弊喇...被繳械！

就喺黑色嘅精神刀柄仲喺空中轉吓轉吓...仲未跌落地之前...

「喝！」逆行者大腳一踢！踢落我個肚！

『嗚呀！』我成個人就飛咗埋去間木屋！

“砰！啪！嘭！”穿過間木屋都仲未停落嚟！

“砰！”再撞落後面嗰間木屋先停到落嚟！

『咳...咳...』我口吐咗幾啖紅色粒子...

嘩...我屌...呢腳大力到...我啲心肝脾肺腎都散晒喇！

雖然話...係我遇過咁多逆行者...最弱嗰個...最弱嗰個都好撚勁！

話口未完...我就感覺到前面...木屋破洞之中...好勁嘅氣息...

閃亮住綠光嘅逆行者穿過木屋嘅破洞！向我使出一閃！

我立即向左一跳！一避！

話我淨係識一閃...你咪又係用！

逆行者並冇打算俾我有機會拉開距離...立即追貼我！雙手持刀...邊移動邊向我使出袈裟斬！

仲處於向行退嘅我立即以空手入白刃！夾實綠光刀刃！

弱咗...逆行者嘅氣息又回到最弱嘅時候！

逆行者見我咁輕鬆就化解咗佢嘅袈裟斬...就再送我一腳！

『嗚...』呢一腳雖然唔係好重...比起啱啱嗰腳輕好多...但都足以踢到我向住右邊飛開幾米遠！

逆行者再乘勝追擊！追貼我身！又再向我施展亂刀狂舞！

“嗡嗡！嗡嗡嗡嗡！嗡！”我邊退邊避！邊退邊避！左閃右避！左閃右避！

雖然好快...但仲避得切！

而且...力量唔係好強...逆行者嘅氣息又回落到最弱水平！

就算真係中刀...應該都斬唔入...

“嗡！”話口未完...我左臂中刀...

“嗡！右臂又中刀...

“嗡嗡嗡！”避多兩刀...腰間同胸口都中多幾刀！

雖然中刀...但綠光刀刃都係喺我件行者長袍上輕輕劃咗一刀咁...擦出少量...紅色粒子...

果然真係唔入肉！喺佢氣息最弱之時...傷我唔到！

“嗡嗡！嗡嗡嗡嗡！嗡！”我邊退邊避！

又搵啲木屋做掩護！

雖然逆行者嘅氣息仲係處於最弱嘅狀態...

“嗡嗡！砰！啪！嘭！”但都係可輕鬆咁將木屋斬爛！

唔得...再係咁落去都唔係辦法...

唔係話我唔想逃走...係被佢一直黐住咁...根本就甩唔到身！

逃走唔到...但又冇武器喺手...傷佢唔到...

長此下去...我都會耗盡精神能量...進入深層睡眠...

唔得...真係要諗諗辦法先得...

武器...精神刀柄...

我後跳一大步...極短暫咁同逆行者拉開一段距離！

“嗡！”我趁住逆行者再次向我使出一閃之時...再次以空手入白刃！夾實綠光刀刃！

我再趁住逆行者未嚟得切反應之時...雙手一扭！大大力...用盡全力一腳踢落佢手腕！

「吖！」逆行者一鬆手！

喺雙掌夾住嘅綠光刀刃消失之時...精神刀柄拋喺空中...轉咗一圈...

我就立即捉實精神刀柄！發動紅光刀刃！順勢向逆行者一砍！

“嗡！”砍落逆行者背脊！

逆行者轉咗兩圈...同我保持四五米嘅距離！企定定望實我！

唔得...入唔到肉...啱啱頭先嗰刀...係喺佢嘅氣息最強之時...

真係唔好彩！如果係喺佢最弱嘅時候中呢一刀...必定化為無數綠色粒子...喺空氣中飄散...消失...

逆行者向我伸出右手：「俾返我。」

『嘩你傻㗎？打緊交㗎嘛！俾返你？俾返你嚟砍我？死人㗎大姐！』都唔知係佢傻定係當我傻！

難得俾我搶到把精神刀...仲要真係發動到紅光刀刃！

果然...逆行者嘅武器...我哋SPIRIT都用得著！

「我赤手空拳都打死你！」逆行者立即以九陰白骨爪姿態追埋嚟！

嘩！認真咩？！

我立即以紅光刀刃迎擊！

“飃！嗡！飃飃！嗡！吱！”綠光爪與紅光刀刃不停對撞...互擦...擦出大量紅綠粒子！

喂屌！真係唔係講笑㗎喎！條女真係識九陰白骨爪㗎喎！

逆行者一爪再爪！連環幾爪！爪落木屋牆身！

“砰！啪！嘭！”木板都飛開晒！

呢幾爪...呢一連串爪擊...令我諗起...異常生命體！

喺九龍城...同埋...科學園...

雖然而家向我不斷施展九陰白骨爪嘅逆行者冇嗰啲異常生命體嘅紅光利爪咁巨型...

之但係...面前呢個逆行者嘅雙爪都有少量綠光...

“飃飃！”綠光爪喺我胸前爪咗兩爪...

有少量紅色粒子就由我胸口飄出！

足以傷到我...逆行者嘅九陰白骨爪...

都係由身體...皮膚...直接散發出精神能量...足以造成傷害嘅精神能量...

唔得吖...喺佢處於氣息最強大之時...就算我有精神刀喺手...都鬥唔過佢嘅九陰白骨爪！

“飃！嗡！吱！飃飃！嗡！吱！飃飃！”再以紅光刀刃擋幾下...

“飃飃！”又中幾爪...

“飃飃！”左臂...

“飃飃！”右臂...

“飃飃！”大髀...

“飃飃！”背脊...

上上下下左左右右前前後後身體多處地方都中爪！

雖然話唔算好入肉...之但係各傷口處都飄出小量紅色粒子！

唔得喇...再係咁落去...佢嘅氣息再唔回落...力量再唔回落返最弱嘅時候...我...我會...我會耗盡精神...能量...

“飃！嗡！吱！飃飃！嗡！吱！飃飃！”就喺我邊擋邊退...捱住等...等唔知逆行者嘅氣息仲會唔會回落...退無可退之時...

「喝！」逆行者向我左手手腕一爪！

『嗚呀！』小量紅色粒子由傷口飄出！同時手一鬆...精神刀柄一甩...

逆行者趁機奪返把精神刀柄！

“嗡！”再次發動綠光刀刃！同時向我一刺！

我感覺到...感覺到肚...被綠光刀刃...刺穿...