《香港傭兵》: [Day 20－遺址禁區] PART 03
“吼～吼...”當紅Van駛到嚟小欖，開始減慢車速...
林雪望住出面，幾個西貢獻命嘅光頭佬：「吖我屌你老母閪吖...呢班仆街仲撚喺度㗎喎...」
我偷偷望出車外...幾個西貢獻命嘅光頭佬邊食煙，邊吹水。
“吼...吼！吼～”駛過西貢獻命路障之後，紅Van立即加速！
「唉...」林雪擰住頭咁揸車，「聽講遲啲仲要由解放軍接手深井...都唔知會唔會影閪柒到響出入...而家客又唔鳩係多...想未雨綢繆都唔撚得...唉...」
嘩我屌！林雪識得用四字成語㗎喎！
我以為佢淨係識粗口㗎添！
日倫望住出面嘅風景，突然講咗一句：「你冇同佢哋傾過咩？」
同佢哋？邊個佢哋？
林雪望一望倒後鏡，再望返路面：「傾閪咩？都搵唔撚到人...」
日倫輕描淡寫：「頭先咪見到囉。」
頭先？係指...西貢獻命？！
「唔撚係啦...」林雪擰擰頭，「要搵返負責嗰條閪樣先得㗎...」
嘩我又屌吖...乜原來西貢獻命都咁講規矩...咁講程序㗎咩？
日倫繼續留意住車窗外嘅景色，輕描淡寫：「咁你都可以叫佢哋幫你搵條友㗎嘛。」
「費閪事！」林雪加重語氣，「你都唔係唔撚知班撚樣幾鳩柒串㗎啦！實話唔鳩知唔柒理自己搞閪掂！屌佢班柒頭老母閪！」
咁又唔係咁講吖...我覺得林雪已經係全宇宙最臭串嘅人...天下無敵...舉世無雙...
「哈～」日倫一笑，「咁你咪走去問班解放軍囉～」
「咪撚玩啦...」林雪望一望倒後鏡中嘅日倫，再望返路面，擰擰頭，「嗰班屎忽鬼更加唔鳩理閪我啦...」
啱吖啱吖～班屎忽鬼淨係理中央講嘅嘢㗎咋嘛～
「唉...」林雪再擰擰頭，「而家黃金嗰邊睇得咁閪緊...你哋想游水出入都唔撚掂吖...」
游水出入都唔撚掂...
陸路同水路都冇路可走嘅話...
『咁講法...會唔會係想...困我哋喺特殊區？』冇路可走...就只有...困...
林雪同日倫都冇出到聲...只係望咗我一眼...
『呃...我...我亂噏㗎咋...我亂噏㗎咋...』我都知自己講嘢冇乜見地...
日倫繼續望車窗外嘅景色...林雪就繼續專心揸車...
“吼～依！依！吼！”紅Van繼續逢彎劈彎！直路直衝咁喺鋪滿枯葉嘅青山公路上飛馳！
唔使幾耐...離遠又見到啲...建築物...
開始見到山頭有一棟棟木屋...鐵皮屋...
海邊又有幾棟舊樓...
又差唔多到...差唔多去到深井...
“依！吼...吼...”紅Van開始減慢車速...已經見到路邊停泊咗幾架警車...
紅Van駛過幾塊藍紅LED路牌...
然後又駛過幾架鐵馬...幾個Full Gear嘅警察...
“依！依...啪！”紅Van停定後，隨即打開車門！
林雪望住車外：「唉屌...又冇客...」
日倫一邊落車一邊講：「等一陣啦～話唔定好快就有嘅～」
『係囉係囉～希望在明天吖嘛～嘩哈哈哈～』我都跟住日倫落車～
「屌你哋兩條粉腸個臭嘴...信唔撚信鳩我唔閪車鳩返你哋入撚去吖喇？！屌...食返飛煙先...」林雪邊屌邊落車，點著飛煙，挨喺紅Van扯兩啖。
我同日倫就唔理得林雪咁多，望住警察設置嘅閘口行過去。
一直沿住路邊...同班Full Gear嘅警察擦身而過咁行...
班Full Gear嘅警察睇起上嚟...好似冇咁緊張？
雖然個個都戴晒頭盔面罩咁...都唔係好睇得清佢哋個樣...
但係就咁睇佢哋嘅舉止...真係好似比之前輕鬆...
“沙 沙 沙”喺鋪咗唔少碎沙石嘅路上行...穿過警察設置嘅閘口後，又過到嚟深井。
跟住喺日倫身邊再行遠啲...遠離警察設置嘅閘口...再行過有企咗唔少麻甩佬喺度等車嘅小巴站...
日倫拎部電話出嚟撳幾撳：「照咁睇...總係覺得要好好咁留意住解放軍既舉動...除咗話西貢方面...當然，好有可能就係因為西貢而令解放軍咁多動作。」
『吓？』又要好好留意解放軍嘅舉動...又話除咗西貢方面...又話關西貢事先令解放軍咁多動作...
咁複雜嘅？真係一句都聽唔明喎...
「唔知...」日倫一路行，一路望住部電話擰擰頭，「其實我都唔清楚...只係...直覺...」
『直...直覺？』係唔係即係女人嘅第六感吖？
「嗯...」日倫點一點頭，「呢啲都係我嘅直覺...直覺話俾我聽...呢期要留意住解放軍...必定會有驚人發現...」
『哦...』雖然唔明...但好似好厲害！
你又唔好話，日倫身經百戰！有呢啲直覺一定係因為之前嘅經驗！
至於你信不信，反正我信了～
“沙 沙 沙”再喺鋪滿碎沙嘅馬路旁邊行多幾步...離遠就有架黑色嘅私家車...停泊喺路旁。
呢架黑色私家車...之唔係...
「尋晚嗰架車都仲喺度冇人用～睇嚟真係好彩喇～」日倫就望住架黑色私家車行過去～
咦喂...真係咁好彩咩？
一次就話好彩...兩次呢？三次呢？
世上又邊有咁多好彩...咁好彩就中咗六合彩啦...
我開始唔相信呢啲係叫好彩...
呢啲應該係叫...神來之筆！
嗱！都話信日倫就冇死㗎啦～
“咔...咔...”我同日倫都上車。
當然日倫又係負責揸嗰個～
真係好～同日倫一齊行動，又唔使我無牌駕駛～又唔使我出錢租車～
我乜都唔使做～淨係做跟班就得喇～
呢啲先叫做隨行者嘅工作㗎嘛～
好～又有車坐～唔使成廿幾歲人，仲要倚賴公共交通工具～
同日倫扣好安全帶之後...
“吱...吱！”開車向住荃灣方向駛過去。
日倫又係揸得好定。
冇推背，冇左搖右擺，坐得好舒服。
“吱！”日倫俾一俾油上天橋。
好高技巧嘅駕駛技術...
究竟日倫揸咗幾多年車呢？
喺車與車之間...又係好定...車速平均...再一次以順住水流方式咁駕駛...
又再一次...好似隱咗形...好似唔存在咁...
“吱～”望住對面公路上，又有一隊銀色巨型貨車車隊駛過...
基本上，不論係私家車定搵食車，所有車輛都會讓晒成條路俾佢哋行。
有解放軍軍徽嘅都特別霸道...
一路沿住高速公路上行駛，離開荃灣之後，路面上嘅車輛都相計增多。
各式各樣嘅私家車...大中輕型貨車...搵食車...仲有巴士...
之但係佔得最多嘅...竟然係銀色巨型貨車！
一路上都總係會見到...不論係對面線...定係同我哋向住同一方向，與我哋並肩行駛。
「真係好誇張呢。」日倫眼尾望一望旁邊...一架又一架銀色巨型貨車擦身而過。
『嗯...源源不絕咁...』每隔一段路，總會見到一隊...
「雖然話當中應該有唔少貨車係戴住護送嘅解放軍士兵...」日倫繼續專心揸車，「但係咁頻密...都真係好誇張...」
『嗯...真係唔明...點解會係西貢...西貢究竟有啲乜嘢？』西貢攻防戰之後...
「就係唔知，所以先要去查...」日倫諗一諗，「西貢攻防戰...真係太多謎團...」
『真係會搵到...ADAM？』我始終最著緊嘅...都係ADAM...
老老柒柒裡面發生過乜鬼嘢事關我鬼事咩？
就只有ADAM嘅事...對我最重要...
「以我所知...」日倫諗一諗，再點點頭，「絕對有關連...」
『嗯？點解咁肯定？究竟你查到啲乜？』我疑惑咁打量住日倫。
「仲要多啲證據證實...」日倫擰一擰頭，俾一俾油。
“吱！”
仲要多啲證據...證實...
究竟...今次會唔會俾我哋查到？又會查到啲乜呢？
“吱～”一如順住水流般，與身邊其他車輛一齊行駛...
過咗一段時間，總算平平安安順順利利無驚無險咁嚟到將軍澳。
“吱...依...”隨便咁將架車停泊喺路邊，我同日倫就落車。
跟住日倫身邊行咗幾步，都已經見到而家嘅將軍澳有唔少人居住。
街上都係人來人往。
而除咗平民之外...警察都唔少...
冇錯...街上有唔少著住軍裝嘅警察...又有幾個便裝喺前面行...
呢度又唔似得深井咁，咁近特殊區...雖然話佢哋又唔係真係Full Gear...之但係有咁多警察巡嚟巡去...
『真係好誇張...』我望住一個又一個軍裝警察，夾雜喺平民當中...
「嗯？」日倫不經不意咁喺啲平民身邊...警察身邊經過。
我就細細聲講：『啲警察...』
「哦～」日倫點一點頭，「因為解放軍唔方便喺市區駐守...就只好靠警察～」
『係因為...西貢？但呢邊...距離西貢都仲有一大段距離喎...』相隔咁遠都要放咁多警察...
「一大段距離...」日倫諗咗一諗，「觀點與角度啦...」
觀點與角度？
邊個觀點同邊個角度我真係唔知...但又唔好意思追問...
免得令日倫都覺得我係一個問題寶寶啦...
『咁點解...我哋喺呢邊開始？而唔喺馬鞍山嗰邊呢？』馬鞍山嗰邊...好似近好多喎...
「馬鞍山嗰邊...」日倫諗一諗，擰擰頭，「更加森嚴...唔方便...」
更加森嚴？
點森嚴法呢？
會比呢邊有更多警察喺嗰邊巡？
雖然都係唔明，但都係唔想問咁多...
都係嗰句啦...免得令日倫都覺得我係一個問題寶寶啦...
「我哋都係去食啲嘢先。」日倫一直向住商場嘅方向行。
『哦...好好...』去食嘢...去收集情報...
餐廳易於隱藏吖嘛～我記得㗎～
跟住日倫身邊唔使行幾耐，就嚟到間連鎖餐廳。
日倫就隨便咁揀咗個路邊二人卡位坐。
就咁睇呢度嘅裝修同擺設...應該係同尋日嗰間屬同一個集團。
日倫拎部電話出嚟：「照舊？」
『嗯...OK吖...』餐腸出前一丁凍檸茶夠穩陣啦～
「好吖...」日倫撳多兩撳部電話，「搞掂～」
日倫點好嘢食，我就留意四周...
成間餐廳唔算有好多客人...坐唔爆...但都叫做每隔兩個卡位都總有幾個人坐...
或者係因為呢個鐘數都已經過咗真係食早餐嘅時間，在坐咁多位都係返到公司打完卡，再落嚟歎早餐嘅冗員！
通常呢啲冗員都好撚多嘢講...好撚多水吹...
就等我睇睇...喺你哋班冗員身上...可八卦啲乜返嚟先...
「喂你睇你睇...呢個對波大到...」只見其中一個西裝友隊住部電話俾隔離嗰個睇...
Double May？
屌呢啲辣殺嘢唔聽都罷！
「哈哈哈～呢個好笑呀！」另外有一檯其中一個肥閪望住部電話大笑！
屌笑笑笑笑你老母咩？唔使問都知又係啲無聊濕鳩Page啲戇鳩圖啦！
我再留意聽聽其他...有冇啲似係有用啲嘅情報...
聽咗一陣...唔係講Double May...就係笑笑笑笑你老母...再唔係就圍屌腦細老母...
唔係真係咁冇營養吖化？！
就喺呢個時候...
「喂...你有冇發現呢幾晚都好撚嘈吖？」
呢幾晚...好撚嘈？
「梗係有啦！勁撚多貨車經過吖嘛！」
勁撚多貨車...經過？