《香港傭兵》: [Day 21－現在過去] PART 10
我仲坐喺地上回緊氣...阿月喺我面前彈彈跳跳～Fing手叉腰～
阿月就係咁...總係好似無限能源咁...
同阿月一齊咁多年...由識佢到而家...總係好似過度活躍症咁...
唔會停落嚟～唔需要停落嚟～幾時都係咁活躍好動～抖都唔使抖～
究竟阿月係咩構造㗎？
阿月再彈彈跳跳～原地自轉多一圈～指住個公園：「咦喂～個公園好似唔同咗喎～」
我就跟住阿月隻手指一望，望入個公園...
『個公園...仲喺度...』呢個公園...以前會同阿月走過嚟坐...傾計嘅公園仔...
「好似翻新過喎～個球場都靚咗～」阿月行近鐵絲網，望清楚裡面～望住有兩隊人喺球場上鬥緊波～
『嗯...』我都企返起身，行近阿月身邊，望入鐵絲網入面，『不過喺不久嘅未來...呢度會拆...』
我仲記得...嗰一晚...
「嗯？」阿月一頭問號咁打量住我。
『呢個公園...呢個球場...喺廿年後...會被清拆...只淨返一塊爛空地...』我都望住個球場上...帶緊波嘅男人...
我仲記得嗰晚...同綽姿揸車駛到嚟呢度...
「原來...廿年後嘅香港...連一個公園仔都容不下呢...」阿月望返入個公園仔...
廿年後...連一個公園仔都容不下...
原因係乜？
原因係...被霸權暴政塞爆咗細小嘅香港...
「趁住仲有得玩，我哋一齊入去打返個韆鞦咯～」阿月拉住我手，衝入公園仔～
『嘩嘩喂喂喂...』
跑到入公園仔，阿月就第一時間坐上韆鞦～搖前～盪後～
望住阿月一搖～一盪～對腳仔踢踢～條黑色吊帶連身長裙一飄～一擺～裙下春光就若隱若現咁～
『喂...小心走光吖...』我望住阿月對雪白幼嫩嘅美腿...
「邊有咁易吖～」阿月就越搖越高～越盪越高～
唉...呢個阿月...仲係成個細路女咁～
不過就係咁...先令我咁著迷...
“依...依...”阿月一直搖盪～搖盪～完全冇打算要停落嚟～
我就一直望住阿月～又留意住四周～
留意喺球場上鬥緊波嘅男人...追住個波...走嚟走去...踢嚟踢去...
突然！我感覺到身後有人接近！
我回頭一望！正正就望到有五個MK仔行緊過嚟！仲要用上猥瑣嘅眼神望住阿月！
五個MK仔個頭又金又紅又啡咁...鬼五馬綠咁...
我一直冷眼咁睥實佢哋...
屌你老母𥄫乜撚嘢呀？
“依...依...”阿月冇理咁多，繼續一搖～一盪～
五個MK仔一路視姦阿月...一路越行越近...
當佢哋行到嚟差唔多到我哋面前之時，行最前嗰個肥肥地嘅金毛MK仔打量住阿月：「嘩嘩嘩～你哋睇你哋睇～有靚女著裙打韆鞦喎～差少少差少少～就走光喇就走光喇～」
“依...依...”阿月完全無視班MK仔...繼續一搖～一盪～
其中一個綠毛MK仔又𥄫住阿月：「嘩嘩嘩...差少少...差少少...」
另一個紅毛MK仔又踎低少少𥄫：「嘩嘩嘩...好撚正吖...不過仲係睇唔到...」
又有另一個啡毛MK仔左𥄫右𥄫：「揭起啲條裙啦！」
『死撚開啦...』我就企正喺班MK仔面前...
個肥肥地嘅金毛MK仔立即行前幾步，睥撚住我：「你講乜撚嘢吖？」
『我叫你哋...』我就踏前一步...睥撚實條肥肥地嘅金毛MK仔...『死...撚...開...吖...』
「你大鳩我...」當個肥肥地嘅金毛MK仔想向我郁手之時...
『死撚開呀！』我就一手推開個肥肥地嘅金毛MK仔！
然後...另一條綠毛MK仔想衝埋嚟！
我就喺連佢自己都未知自己想推我定向我揮拳之前，一手就捏撚住佢條頸！
「呃...呃...」被我單手捏住條頸嘅綠毛MK仔立即冇晒力咁，半企半跪！
「仆你個...」另一條啡毛MK仔拉行晒拳咁想衝埋嚟！
我就喺佢踏前一步之時...一腳踢落佢膝關節！
「呀！」啡毛MK仔一跪低...我立即一腳踩住佢個頭！壓喺地上！
其餘三個MK仔立即擺晒姿勢！（但明顯冇實際！）
個肥肥地嘅金毛MK仔手震震又口震震咁：「你...你邊撚度㗎？！」
『我邊撚度唔撚好...都可以打撚死晒你哋...』我用力一捏綠毛MK仔條頸嘅！大大力一腳踩落啡毛MK仔個頭！
「嗚呀！」兩個MK仔慘叫一聲！
「你...你...」肥肥地嘅金毛MK仔對腳有郁動...有意圖想衝過嚟！
我就喺佢仲未真係踏前一步之前，放開手...鬆開腳...以迅雷不及掩耳嘅速度...立即衝到去肥肥地嘅金毛MK仔面前！一手捏住佢塊面！掃佢後腳！
「嗚呀！」成個肥肥地嘅金毛MK仔就俾我撳住塊面倒後落地！後腦撞到勁應！
我出力捏實肥肥地嘅金毛MK仔塊面！撳實佢個頭喺地上！
另外兩個MK仔想向我郁手之時，我怒睥住佢哋！
兩個MK仔嚇撚到全身震撚晒咁企喺度！
「救...救命吖...」肥肥地嘅金毛MK仔雙手捉住我隻手！震晒咁叫救命！
『你信唔信我一手就捏爆你個頭...』我再出力捏...用力咁捏肥肥地嘅金毛MK仔個頭！
「信...信...放過我...求求你...呀...呀呀呀！！！」肥肥地嘅金毛MK仔被我捏到慘叫起嚟！
我鬆開手...再一拳打落肥肥地嘅金毛MK仔塊面！然後企返起身...
「嗚...嗚呀...」肥肥地嘅金毛MK仔撳住自己個鼻，喺地上扭咗兩扭...
『走...唔好俾我再見到你哋...你哋就算有幾多人...我一個人都可以殺晒你哋...』我企正喺肥肥地嘅金毛MK仔身邊...五個MK仔嘅中間...
「走...走...條友癲㗎...」兩個MK仔立即扶起肥肥地嘅金毛MK仔、綠毛同啡毛MK仔...一仆一碌咁走出公園仔！
望住五個MK仔越走越遠...轉角離開...
「WOW～」阿月一跳！就由韆鞦跳到嚟我身邊～「你唔同咗喎～」
『我...』我唔同咗？
「你唔係不嬲都係閒事莫理，眾埞莫企，多一事不如少一事㗎咩？」阿月帶住微笑打量住我～
我...
冇錯...以往嘅我都真係多一事不如少一事...
見到多人圍住嘅地方都係避開好啲...
自己顧住自己...唔好搞咁多...唔好理咁多...唔好自找麻煩...無謂成日得罪人啦...
以為咁樣就可以平平安安咁過活...
但其實...
『或者真係太恐怖...』其實係我懦弱...
一直都只係因為我太懦弱怕事...
「嗯？」阿月又一頭問號咁打量住我～
『西貢獻命班人...恐怖得多...』但遇過西貢獻命班仆街之後...而家呢度嘅MK仔又算得啲乜？
「哦～睇嚟你都真係幾驚西貢獻命喎～」阿月帶點恥笑～
『驚...曾經囉...但假如真係俾我再遇到佢哋...我一定砍甩晒佢哋個頭落嚟！』殺晒佢哋班仆街！
「車～咁你都係以壓倒性嘅力量去欺壓人姐～你話唔精神化...赤手空拳打敗佢哋就話姐～」阿月繼續帶點恥笑～
『呢個世界唔係咁玩㗎咩？』我冷眼打量住阿月...
「係～呢個世界係咁玩～」阿月點點頭～
『嗱～你都話係呢～』難得阿月都認同我～
「點都好啦～你的確係唔同咗～」阿月諗一諗，「我會認為你有得精神化都唔敢去做啲乜～」
『哦...多謝喎...』係讚緊我定恥笑緊我？
「果然夢發得深...就可以意念植入...」阿月又認真咁諗諗...
『都話唔係夢咯...係穿越...穿越...』講極都唔明...阿月呢個人固執到...就算個夢發得幾深...就算進入埋混沌域，都唔可能意念植入...
「係係係～係穿越～穿越吖嘛～」阿月勉強附和～
唉...
「不過講真...班革命軍真係識揀...」阿月又好認真咁諗諗...
『嗯？』識咩揀？
「屯門...元朗...天水圍...」阿月又好認真咁諗諗...
『你係想講...據點？』我諗應該冇錯啦...
「嗯...」阿月點點頭，「先唔好講元朗黑社會問題...屯門同天水圍真係一個好好嘅義軍據點...」
『嗯...都係...首先有屯門常開...然後就到天水圍城...』我都未將要講嘅說話講完...
「然後就夾住元朗...元朗班黑社會本身就唔會理乜政唔政治...最重要都係唔好搞到佢哋...只要夾住佢哋...總有一日會就範...」阿月搶住答...
『嗯...冇錯吖...嗰度嘅人都係咁諗...』我仲記得幫我入油嘅士多老闆係咁講...本來都冇打算起義...
「而公路極少...只要封住主要嘅...就足以獨立...」阿月諗一諗，「至於西鐵...前期只要喺天水圍封住路段...已經足夠...」
『封住天水圍嘅路段...係喎！西鐵只係一條單程...』我都未將要講嘅說話講完...
「冇錯...所以只要喺天水圍封住路段...就已經入唔到嚟...唔怪得西鐵路線會咁設計...」阿月又好認真咁點點頭...
唔怪得西鐵路線會咁設計...冇錯喇！
咁樣嘅話...西鐵最多就只可以去到朗屏...天水圍同屯門好輕易就斷開對外連接！
係唔係真係咁㗎？點解...好似真係...一早就...
「再加上屯門本來就係一個衛星城市...概念就係俾喺裡面生活嘅市民自給自足...發展一個獨立嘅生活圈同經濟圈...就好似...烏托邦一樣...而家再加上天水圍...甚至元朗...睇嚟英國早就已經計劃好...」阿月好似解破咗個驚天大陰謀咁...
『嗯...羅羅都有講過類似嘅嘢...』我仲記得...羅羅嚟屯門搵我嗰次...
「羅羅？」阿月一頭問號咁打量住我。
『嗯...係執行者嚟嘅...』嗰陣時...仲未知佢係執行者...
「囡嚟㗎？」
『嗯...』仲以為佢係一個天真無邪嘅小妹妹...
阿月冇出到聲...
我就望一望阿月...發現阿月古古惑惑咁望住我陰陰嘴笑...
嗯？仆...仆街喇！唔小心爆咗羅羅出嚟添！
我面都青埋...
點算點算...一唔小心就提起羅羅...
仲要爆埋係囡添！
「一直都唔聽你提起嘅？」阿月又古古惑惑咁...靠近我...
『我...我...冇...唔係成日遇到佢㗎嘛...』嗱嗱嗱...我都話咗阿月好敏感...疑心又重㗎啦！
要小心啲...要小心啲答...
「係咩係咩？唔係成日遇到就唔提㗎喇？」阿月貼塊面埋嚟...
『咁...唔係成日遇到又點會無啦啦提起呢...』要合情合理...
「哦～你哋SPIRIT都幾多囡囡㗎喎～」阿月又古古惑惑咁打量住我...
『呃...係吖係吖...聽講囡囡仲會勁啲添㗎...』保持冷靜...講啲真嘢...
「嗯？囡囡會勁啲添？」阿月又好認真咁諗一諗...
『嗯...聽日倫講...唔係人人都精神化到...男性係比較難精神化...而女性嘅行者能力都比較強...』雖然話係一個非正式又冇得到證實嘅消息顯示...
「嗯？日倫？」阿月又一頭問號咁打量住我～
『嗯...日倫係一個調查型行者...』我又繼續講啲真嘢...
「調查型？」阿月又好似好有興趣咁追問～
『嗯...可以話係專門搜集情報...主要靠買賣情報...有極高調查技能嘅行者...』繼續講真嘢...繼續講真嘢...
「哦～原來係會有專門搜集情報嘅類型...」阿月又諗一諗，點點頭，「啱吖啱吖...一個咁大嘅組織...一定會細分出唔同嘅類型...嗯嗯...唔同嘅階級...唔同嘅類型...嗯嗯...」
見阿月好似冇再為意羅羅...
果然Tom Cruise講得啱...最有效呃到人嘅方法就係隱瞞嘅同時要講啲真嘢...